Футбол бўйича Англия Премьер Лигасининг 34-турида «Манчестер Сити» 1 май, шанба куни «Кристал Пэлас» меҳмони бўлди.
Учрашувнинг биринчи бўлимида ҳисоб очилмади. Иккинчи бўлим дебютида «шаҳарликлар» иккита тезкор гол уришга муваффақ бўлди. 57-дақиқада Серхио Агуэро ҳисобни очган бўлса, орадан икки дақиқа ўтиб Ферран Торрес ўз ҳисобига гол ёздириб қўйди. Қолган вақтда ҳисоб ўзгармади.
Ушбу ғалабадан кейин «Манчестер Сити» очколарини 80 тага етказиб олган ҳолда якка пешқадам бўлиб турибди. Жамоа битта захира ўйинига эга «Манчестер Юнайтед»ни 13 очкога ортда қолдирмоқда. Агар «қизил иблислар» бу турда «Ливерпуль»га ютқазадиган бўлса, у ҳолда «Сити» муддатидан аввал чемпионга айланади.
АПЛ
34-тур баҳси
1 май, шанба
«Кристал Пэлас» — «Манчестер Сити» 0:2
Голлар: 0:1 – 57 Агуэро, 0:2 – 59 Ферран Торрес.«Кристал Пэлас»: Гуаита, Уорд, Митчелл, Денн, Ридевалд (Шлупп, 59), Миливоевич, Куяте, Таунсенд (Айю, 82), Эзе, Заҳа, Бентеке (Матета, 67).
«Манчестер Сити»: Эдерсон, Менди, Жоау Канселу, Ляпорт, Аке, Родри, Фернандиньо (Зинченко, 67), Стерлинг, Ферран Торрес, Габриэль Жезус, Агуэро.
Огоҳлантиришлар: Миливоевич (49), Куяте (81).
Изоҳ (0)