«Ювентус» ҳужумчиси Криштиану Роналду мавсум сўнгида жамоани тарк этмоқчи.
Football Italia маълумотларига кўра, португалиялик футболчи ўз агенти Жорже Мендешдан 2021/22 йилги мавсум учун янги клуб қидириш жараёнини бошлашни сўраган.
Қайд этилишича, 36 ёшли футболчининг кайфияти «Ювентус»нинг Чемпионлар Лигаси 1/8 финалида «Порту»га мағлуб бўлганидан кейин ёмонлашган ва жамоадан кетиш ҳақида ўйлай бошлаган.
Аввалроқ «Ювентус» 60 миллион евролик таклиф бўладиган бўлса, Роналдуни қўйиб юборишга тайёр эканлиги ва футболчига ПСЖ ҳамда «Манчестер Юнайтед»дан қизиқиш борлиги ҳақида хабар берилганди.
2018 йилнинг ёзида 117 миллион евро эвазига «Реал»дан Турин клубига ўтган Роналду Италия А Сериясининг 2020/21 йилги мавсумида 29 та ўйин ўтказиб, 25 та гол ва 3 та голли узатмага муаллифлик қилди.
Изоҳ (0)