«Оскар-2021»нинг тақдирлаш маросимига юлдузлар энг яхши либосларни танлаш билан бирга, соч турмаги борасида ҳам бошқалардан ажралиб туриш учун ҳаракат қилган. Улар орасидаги энг эсда қоларлиларини эътиборингизга ҳавола этамиз.
Эшли Фокс
Номига жингалак қилиб, чёлкасига урғу берган Эшли, қизил йўлак учун сочларини оддийгина қилиб пастдан йиғишни афзал билган. Бундай соч турмаги тадбир ва офисга бориш учун айни муддао.
Марго Робби
Стилист Брайс Скарлетт Марго учун оддий соч турмагини афзал билган. Бу эътиборни унинг ялтироқ Chanel кўйлагига қаратилишини таъминлаган.
Ванесса Кирби
Лабларини тўқ рангда бўяган Ванессанинг образи ўзига хос кўриниши учун стилисти Адир Абергел унинг сочларини текис қилиб йиғишни маъқул билган.
Ҳолли Берри
Холли эса калта каре соч турмаги билан чёлканинг ўзини турмакламасдан шундоқлигича маросимга келишни афзал билган.
Зендея
Зендеянинг образига назар ташлаб, унинг стилисти Ларри Симсом табиийлик тарафдори эканини билиш мумкин.
Хлоя Чжао
Режиссёр Хлоя Чжао қандай турмак қилсам экан деб бош қотириб ўтирмасдан сочларини иккита қилиб ўраб олган.
Андра Дей
Майда жингалак сочларини тепага кўтариб йиғгани Андрани бошқалардан ажралиб туришига сабаб бўлган.
Нина Педрад
Табиий жингалак сочларини Нина мусс ёрдамида алоҳида-алоҳида бўлиб туришига эришган. Қизил кўйлаги билан жингалак сочларини ён тарафига ташлагани эса образига мос тушган.
H.E.R.
Хонанданинг стилисти Нина Моник эса узун сочларни номига жингалак қилиб ён тарафга ташлашнинг ўзини кифоя деб билган.
Николетт Робинсон
Николеттнинг танловини эса исталган образга мос тушадиган универсал деб атаса бўлади. У афроамериканча услубда сочларини ўраб, кичкина металл безаклардан фойдаланган.
Изоҳ (0)