Бугун,

  • USD 11095.31
  • RUB 173.84
  • EUR 10772.44

АҚШ президенти Жо Байден пандемия шароитида аҳолига молиявий кўмак бериш тўғрисидаги фармонга имзо чекди, деб ёзмоқда Deutsche Welle нашри.

Фото: Reuters

Фото: Reuters

Президент фармони давлат хизматчиларининг энг кам иш ҳақини соатига 15 долларгача кўтаришни назарда тутади (олдинги кўрсаткичдан икки баробар кўпроқ).

«Бу фармон ишчиларнинг соғлиғи, руҳияти ва ҳаракатларини яхшилаш орқали, меҳнат унумдорлигини ошириш ва янада сифатли иш яратиб, солиқ тўловчиларни муносиб шароитлар билан таъминлаган ҳолда, иқтисодиёт ва федерал шартномаларнинг самарадорлигига ҳисса қўшади», — дейилади Оқ уй хабарида.

Фармонга мувофиқ, энг кам иш ҳақи кейинги йилнинг март ойига қадар амалдаги 10,95 доллардан деярли 37 фоизга кўтарилади ва кейинчалик инфляцияга мос равишда яна ошиб бораверади. Федерал агентликлар иш ҳақи оширилиши илова қилинган янги шартномаларни 2022 йилнинг 30 январигача тузиши керак.

Қарор федерал ходимларнинг турли тоифаларига, шу жумладан, барча фаррошлар ва хизмат кўрсатувчилардан тортиб, пудратчилар ва умумий овқатланиш соҳаси ходимлари, шунингдек, чойчақа олувчи ишчиларгача тегишли.

Маълумот учун, АҚШ президенти Жо Байденнинг рейтинги фаолиятининг биринчи 100 кунида 52 фоизни ташкил қилди. 1945 йилдан буён бу кўрсаткич фақат Жералд Форд (48 фоиз) ва Дональд Трампда (42 фоиз) пастроқ бўлган.

Аввалроқ Жо Байден июнь ойида давлат раҳбари сифатида биринчи бор чет элга сафар қилиши ҳақида хабар берилди. У Буюк Британия ва Бельгияга боради. Унинг чет эл раҳбари билан биринчи телефон суҳбати 23 январь куни Канада бош вазири Жастин Трюдо билан бўлиб ўтди. Бир неча кундан кейин Байден Путин билан телефонда гаплашди, суҳбат тахминан ярим соат давом этди.

Шунингдек, Оқ уй Россияга қарши киритилган санкцияларнинг натижаларига баҳо берди ва уларни ҳозирча президент Жо Байден маъмурияти кутган натижаларга «жуда яқин», деб атади.

Изоҳ
Асосий янгиликлар
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...
Спорт
Бундеслига. “Боруссия Д” ўз майдонида рақибини тор-мор этди 
Шоу-бизнес
Instagram: Аэропортда дабдаба билан кутиб олинган Liil Хуррамов, қўшиқ куйлаган Абдуҳошим Исмоилов, янги раққосаларни кашф этаётган Юлдуз Усмонова