Букингем саройи Буюк Британия қироличаси Елизавета II нинг 9 апрелда 99 ёшида вафот этган турмуш ўртоғи шаҳзода, Эдинбург герцоги Филипп билан видолашув маросимидан кейинги илк фотосуратларини эълон қилди. Суратларда қироличанинг мовийранг кийим кийгани ва юзида табассум борлигини кўриш мумкин, деб ёзмоқда «ТАСС».
Фотосуратлар 27 апрель тонгида олинган ва уларда қироличанинг виртуал форматда Латвия ҳамда Кот-д’Ивуарнинг янги элчиларидан ишонч ёрлиқларини қабул қилиб олиш маросими ҳақида ҳикоя қилади. Елизавета II Лондондаги Виндзор саройидан туриб, видеоконференцалоқа тарзида Букингем саройига келган элчилар билан мулоқот қилган. 95 ёшни қаршилаган қиролича коронавирус пандемияси сабаб айнан Виндзорда бўлиб турибди.
Бу Елизавета II учун турмуш ўртоғи вафотидан кейинги биринчи расмий тадбир эмас. Қиролича ўз ваколати доирасидаги вазифаларни бажаришга 13 апрелдан киришган. Шу куни у қироллик саройида лорд-камергер лавозимида ишлаган Уильям Пилни нафақага кузатган ва унинг ўрнини эгаллаган янги амалдор, бир вақтлар Британия контрразведкаси МИ-5 хизматига раҳбарлик қилган Эндрю Паркерга спикетрни топширганди. Қироллик оиласининг икки ҳафталик мотами 23 апрелда ўз ниҳоясига етган.
Мавзуга доир: Буюк Британияда 99 ёшида вафот этган шаҳзода Филиппнинг дафн маросими ўтказилди (фото ва видео)
Изоҳ (0)