Либос ёрдамида қоматдаги камчиликларни яшириш ёки аксинча уларга урғу бериш мумкин. Бўйинни узун кўрсатиш учун эса олд қисми V бичимли блузкаларни танлаш керак. Илҳомланиш учун турли фасон ва рангдаги моделлар суратини эътиборингизга ҳавола этамиз.
Қизғиш рангли блузка билан нафақат жинси ва шимлар, балки монохром образ ҳам жуда ҳам чиройли кўринади.
Офис учун олдида бироз пирпираги бор оқ блузка айни муддао, уни этак қисми кенг шимлар ва А шаклини эсга соладиган юбкалар билан кийса бўлади.
Бундай моделдаги блузкани қизил ва оқ аралаш ранги ҳам жуда ўзига хос кўринади. Аксессуар сифатида ингичка занжирли тақинчоқ танлаш маслаҳат берилади.
Янада жозибали кўриниш учун эса каттароқ пирпиракли моделларга эътибор қаратган яхши.
Баҳорнинг энг долзарб бўлган яшил ранги билан образни ёрқинроқ кўринишига шубҳа йўқ.
Йилнинг яна бир етакчи бўлган ранги — сариқ рангли матодан тикилиб, бел қисмига урғу берилган модель кайфият кўтарилишига ҳисса қўшади.
Бел қисми резинка, енглари кенг кофта эса сизни сарвқомат кўринишингизга ҳисса қўшади. Уни жинси ва юбкалар билан кийса бўлади.
Гул принти туширилган кофтасиз баҳорги гардеробни тасаввур қилиб бўлмайди. Майда тугмали, асоси тўқ рангдаги блузка билан исталгандек кўринишга эга бўлишингиз мумкин.
Романтик образни истасангиз тешик-тешик матодан тикилган ноодатий бичимли моделга эътибор қаратинг.
Гулларнинг принти катта қилиб туширилган блузка эса узун юбка билан жуда ҳам чиройли туради.
Изоҳ (0)