Бугун,

  • USD 11095.31
  • RUB 173.84
  • EUR 10772.44

Фуқаролик ишлари бўйича Ғузор туманлараро судининг 2020 йил 6 мартдаги ижро варақасига асосан қарздор М.Н.дан ундирувчи Н.Р. фойдасига вояга етмаган уч нафар фарзандининг моддий таъминоти учун алимент ундириш белгиланган. Бу ҳақда «Дарё»га МИБ вилоят бошқармаси ахборот хизмати раҳбари Гулноза Дилмуродова маълум қилди.

Ижро ҳужжати бюронинг Деҳқонобод туман бўлимига келиб тушганидан сўнг шу куннинг ўзида ижро ишини юритиш тўғрисида қарор қабул қилиниб, тарафларга маълум қилинган. Бироқ ўтган вақт мобайнида қарздор ота бир неча маротаба огоҳлантирилган бўлса-да, алимент пулларини тўлашдан қасддан бўйин товлаб келган.

Бўлим давлат ижрочисининг алимент қарзини ҳисоблаш қарорига кўра, М.Н.нинг қарздорлиги салкам 13 миллион сўмга етган. Шу боис фарзандлари таъминотини ўйламаган масъулиятсиз отага жиноят ишлари бўйича Деҳқонобод туман суди томонидан 15 сутка маъмурий қамоқ чораси қўлланилган.

Шунингдек, бўлим иш юритувида фуқаролик ишлари бўйича Ғузор туманлараро судининг 2013 йилдаги суд буйруғига асосан қарздор Ў.А.дан ундирувчи М.Х. фойдасига уч нафар вояга етмаган фарзандининг моддий таъминоти учун вояга етгунига қадар ҳар ойдаги иш ҳақи ва бошқа турдаги даромадларининг ярми миқдорида алимент ундириш тўғрисида ижро ҳужжати мавжуд бўлган. Қарздорга алимент тўламасликнинг ҳуқуқий оқибатлари тушунтирилганидан сўнг Ў.А. турмуш ўртоғига 10 миллион сўм миқдоридаги алимент пулини тўлаб берган.

Изоҳ
Асосий янгиликлар
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Маҳаллий
Ўзбекистон энергетикаси: ортаётган талаб, тақчиллик ва кўрилаётган чоралар ҳақида
Маслаҳатлар
Ширинликлар ўрнига нима истеъмол қилиш мумкин? Қадди-қоматга зарарсиз тавсиялар