Hindistonning Maxarashtra shtatida koronavirusga chalingan bemorlarni davolovchi kasalxonada kislorodning sisternadan sizib chiqishi oqibatida 24 nafar odam hayotdan ko‘z yumdi. Bu haqda NDTV xabar qilgan.
Qayd etilishicha, hodisa Nashik shahridagi Zokir Husayn munitsipal kasalxonasida sodir bo‘lgan. Bino ichida 150 nafarga yaqin bemor bo‘lgan, ularning aksar qismi o‘pkani sun’iy shamollatish apparatlariga, ayrimlari kislorod apparatlariga ulangan edi.
Mahalliy hokimiyat vakillaridan biri Suraj Mandxarning aytishicha, ayni vaqtda kislorod yetkazib berish qayta ishga tushirilgan va qolgan bemorlarning hayotiga hech narsa xavf solmayapti.
Maxarashtra sog‘liqni saqlash vaziri Rajesh Top shtat ma’muriyatining hodisa yuzasidan chuqurlashtirilgan tekshiruv olib borilishini va’da qilgan.
#WATCH | An Oxygen tanker leaked while tankers were being filled at Dr Zakir Hussain Hospital in Nashik, Maharashtra. Officials are present at the spot, operation to contain the leak is underway. Details awaited. pic.twitter.com/zsxnJscmBp
— ANI (@ANI) April 21, 2021
Avval mart oyida Hindistonning Mumbay megapolisida COVID-19’ga chalingan bemorlar davolanadigan kasalxonada yong‘in sodir bo‘lgani va 10 nafar odam favqulodda hodisa oqibatida hayotdan ko‘z yumgani xabar qilingandi. 10-aprelda Nagpur shahridagi koronavirusga chalingan bemorlar davolanayotgan shifoxonada kelib chiqqan yong‘in oqibatida to‘rt kishi qurbon bo‘lgan.
Izoh (0)