World Cаr Awards мукофотининг версияси бўйича 2021 йилнинг энг яхши электромобили дея Volkswagen ID.4 тан олинди, деб хабар беради «Korrespondent.net».
Таъкидланишича, Volkswagen ID.4 жами 798 балл тўплаган. Иккинчи ва учинчи ўринларни эгаллаган Honda E электромобили ва Toyota Yaris хетчеки мос равишда 742 ҳамда 732 балл тўплаган.
«Энг ҳашаматли автомобиль» йўналиши бўйича биринчилик 853 балл билан Mercedes-Benz S-Class седанига насиб этган. «Самарадорлиги энг юқори автомобиль» дея Porsche 911 Turbo спорткари тан олинган.
«Шаҳар шароитига мўлжалланган энг яхши автомобиль» йўналишида биринчи ўрин Honda E электромобилига насиб этган бўлса, дизайн борасидаги мукофотни Land Rover Defender йўлтанламаси қўлга киритган.
Аввалроқ Американинг Consumer Reports нашри ўз эгаларига маъқул бўлган автомобиль маркалари рейтингини эълон қилганди.
Мавзуга доир: Дунёдаги энг ишончли автомобиллар рейтинги эълон қилинди
Изоҳ (0)