World Car Awards mukofotining versiyasi bo‘yicha 2021-yilning eng yaxshi elektromobili deya Volkswagen ID.4 tan olindi, deb xabar beradi “Korrespondent.net”.
Ta’kidlanishicha, Volkswagen ID.4 jami 798 ball to‘plagan. Ikkinchi va uchinchi o‘rinlarni egallagan Honda E elektromobili va Toyota Yaris xetcheki mos ravishda 742 hamda 732 ball to‘plagan.
“Eng hashamatli avtomobil” yo‘nalishi bo‘yicha birinchilik 853 ball bilan Mercedes-Benz S-Class sedaniga nasib etgan. “Samaradorligi eng yuqori avtomobil” deya Porsche 911 Turbo sportkari tan olingan.
“Shahar sharoitiga mo‘ljallangan eng yaxshi avtomobil” yo‘nalishida birinchi o‘rin Honda E elektromobiliga nasib etgan bo‘lsa, dizayn borasidagi mukofotni Land Rover Defender yo‘ltanlamasi qo‘lga kiritgan.
Avvalroq Amerikaning Consumer Reports nashri o‘z egalariga ma’qul bo‘lgan avtomobil markalari reytingini e’lon qilgandi.
Izoh (0)