Кино актрисаларнинг келишган қоматига ҳавас қилмай бўлмайди. Қуйида улар ана шундай нозик қомат эгаси бўлиш учун нималарга эътибор қаратиш кераклигини маълум қилди.
Кетрин Зета-Жонс
1987 йилда актрисалик карьерасини бошлаган Кетриннинг икки нафар фарзанди бор. Унинг рациони оддий, деярли, ширинликларни чиқариб ташлаган. Шунингдек, у табиий маҳсулотлардан тайёрланган таомларни истеъмол қилади. Спиртли ичимлик, гуруч ва картошкани аллақачонлар рад этган. Ичимликлардан минерал сув, кўк чой ва кофеинсиз қаҳвани танлаган.
Дрю Берримор
Актриса илк дебютини атиги 11 ойлигида бошлаган. У ҳафтасига 4 маротаба махсус машғулотлар билан шуғулланади. Шунингдек, рационга балиқ ва бошқа табиий маҳсулотларни киритган. Углеводларга қараганда кўпроқ мева ва сабзавотлар истеъмол қилади. Айниқса, шароб ичишни ҳафтасига 3 стаканга қисқартирган.
Кристен Стюарт
Актёр Роберт Паттинсоннинг собиқ севгилиси 8 ёшидан буён турли лойиҳаларда иштирок этиб келмоқда. Шифокорлар актрисанинг парҳезини экстремал деб билади. У олти ойлаб фақатгина шўрва тановул қилиши ҳам мумкин. Шунингдек, мексиканча паловни ҳам хуш кўради. Ҳаттоки кунига 4-5 порцияни ҳам истеъмол қилади.
Женнифер Лоуренс
Актриса биринчи ролини 2006 йилда ижро этган. Лоуренснинг қомати ҳавас қиларли даражада бўлмасин, у ўзини яхши кўрган нарсаларидан тия олмайди. Севимли овқатларини истаганча тановул қилишини ҳам тан олган. Шунингдек, кунига 5 марта лимонли сув ичади. «Мен ҳамма нарсани истеъмол қиламан. Менинг ишата ҳам жуда яхши ва Голливудда анорексия касаллиги ҳақида миш-мишларга учрамаган ягона актриса бўлсам керак. Бироқ мен ҳали ўз кўринишимни йўқотишни истамайман», – дейди актриса.
Эмма Стоун
Эмма илк телевизион дебютини 2004 йилда ўтказган. У ўзининг вазнини бир маромда сақлашни ҳақиқий муаммо деб билади. Ҳаттоки унинг қомати ўзгарувчанлиги туфайли дизайнерлар тез-тез унга либос тикиб туради. У овқатланишни доим назорат қилади, айниқса, муҳим лойиҳалардан аввал кераксиз таомлардан бутунлай воз кечади. Шунингдек, жисмоний машғулотлар билан фаол шуғулланади. Сузиш, тошга чиқиш, югуриш ва кўпроқ юришга ҳаракат қилади.
Изоҳ (0)