Тошкентлик сартарош Шуҳрат Исматуллаев соч татуировкаси (fade & hairtatoo) йўналишида ижод қилиб, ижтимоий тармоқлар фойдаланувчиларининг ҳайратига сабаб бўлмоқда. Халқаро сартарошлик танловларининг уч карра чемпиони ҳисобланувчи Шуҳрат соч турмакларида тарихий шахслар, актёр ва хонандалар, ҳаттоки давлат раҳбарининг ҳам суратини акс эттирган.
Шуҳрат Instagram’даги 15 минг нафар кузатувчисига мунтазам равишда ўзи яратаётган санъат асари даражасидаги ишларини кўрсатиб келмоқда. Унинг саҳифасига жойланган охирги иши, айниқса, кенг муҳокама ва қизиқишларга сабаб бўлди. Ушбу соч турмагида Шоҳруҳхон ва Асал Шодиеванинг расми акс этган. Хонанда ва актриса Шуҳратнинг ушбу постига лайк босди ҳамда ўз саҳифаларининг Stories’ига видеони жойлади.
Шуҳрат Исматуллаев ўз навбатида бу шунчаки ўзи ёқтирган машғулот эканлиги, суратларни чизишда қаламдан ҳам фойдаланиши ҳамда бундай соч турмакларини тарғиб қилмаётганини ёзиб қолдирган.
Россиялик хонандалар Тимати ва Моргенштерн.
Шуҳрат Озарбайжон ва Aрманистон ўртасидаги тўқнашувлар мавзусидаги Street Art’дан илҳомланиб, уни соч турмагида акс эттиришга қарор қилди. «Болалар уруш нималигини билмасин!» деб изоҳланади ушбу сурат.
Шуҳрат ўз ишларидан бирида Мустақиллик байрами муносабати билан Президент ва байроқ суратини акс эттирган.
9 апрель буюк саркарда Амир Темур таваллуд топган кун муносабати билан чизилган сурат:
Шуҳрат Исматуллаев ўз ижодида жаҳон санъати классик намуналарига ҳам мурожаат қилади. Мона Лиза портрети.
Изоҳ (0)