Осиё Чемпионлар Лигаси гуруҳ босқичи 2-тури доирасида бўлиб ўтадиган ОКМК — «Истиқлол» (Тожикистон) беллашувидан аввал матбуот анжумани ўтказилди. Унда Олмалиқ клуби бош мураббийи Миржалол Қосимов ва ярим ҳимоячи Миржамол Қосимов (Миржалол Қосимовнинг ўғли) иштирок этди.
Эртага Худо хоҳласа, бизни яна бир жуда ҳам муҳим ўйин кутиб турибди. «Истиқлол» бизга қўшни жамоа, шу боисдан ўзига хос дерби бўлади. Ўзбекистон ва Тожикистон жамоаларининг ўзаро ўйинлари азалдан дерби мақомида қизғин тўқнашув бўлиб келган. Ўйлайманки, эртага мухлислар чиройли футбол гувоҳи бўлади. Ҳеч бир ўйин осон бўлмайди. Аввал айтганимдек, ҳар бир учрашувга чиройли ўйин кўрсатиб, ғалаба илинжида майдонга тушамиз. «Истиқлол» жамоаси тартибли футбол намойиш этмоқда. Уларнинг ички чемпионат ўйинлари, хусусан Суперкубок ва «Шабоб Ал-Аҳли»га қарши ўйинларини кўриб чиқдим. «Истиқлол» жамоаси қарши ҳужумларга таяниб ўйнайди. Рақибнинг тартибли ва чуқур ҳимоясини ёриб киришга ва қарши ҳужумларни ўтказиб юбормасликка ҳаракат қиламиз. Бу осон бўлмаслиги аниқ. Эртанги ўйинга жамоамиз тайёр ва биз мухлисларимизни хурсанд қилишга ҳаракат қиламиз.Шунингдек, Олмалиқ клуби ярим ҳимоячиси Миржамол Қосимов ҳам ўз фикрлари билан ўртоқлашди.Икки йил олдин (ОЧЛ саралаши) «Истиқлол»га қарши ўйинда қозонилган ғалаба жамоага руҳий устунлик бериш, бермаслиги ҳақида
Олмалиқдаги ўйин тарихга айланган. Бу албатта жамоамиз ва мухлислар учун ёқимли тарих сифатида қолган. Лекин эртанги баҳс буткул бошқа ва янги чақирув бўлади. Биз эртага ҳам Худо хоҳласа, ўша ёқимли дамларни ишқибозларга тақдим этишга ҳаракат қиламиз.
«Истиқлол»га қарши ўйинда тактик ўзгаришлар бўлиши ҳақида
Биз ўз ўйинимизни кўрсатишга ва рақибнинг ҳимоясини ёриб ўтишга ҳаракат қиламиз. Бу осон бўлмайди. Шуни ҳам эсдан чиқармаслик керак, «Истиқлол» ҳимоядан тезкор қарши ҳужумга ўтишда хавфли. «Истиқлол» сафида Манучехр Жалилов ва Ҳусейн Доған каби яхши ва тезкор футболчилар бор. Имкон қадар рақибга қарши ҳужумга ўтиб кетиш имкониятини бериш керак эмас. Лекин бу ишни амалга ошириш осон бўлмайди. Биз рақибнинг тартибли ҳимоясини ёриб ўтиш баробарида уларни қарши ҳужумга ўтиб кетмасликларини таъминлашимизга тўғри келади.
Миржалол Қосимов, ОКМК бош мураббийи
Авваламбор, ассалому алайкум. Бош мураббийимиз айтганларидек, эртанги ўйинга тайёргарлик яхши кетмоқда. Бу ерга жамоамиз шунчаки келгани йўқ. ОЧЛда осон ўйинларнинг ўзи йўқ. Гуруҳда кучли жамоалар йиғилган. Худо хоҳласа, эртанги ўйинга барча футболчилар билан яхши ҳаракат қилиб, ўзбекистонлик мухлисларга ғалабани тортиқ этишга уринамиз. Икки йил аввалги ўйин тарихга айланган ва бизни эртага янги баҳс кутмоқда. Шу боисдан ҳам аввалги учрашувни эсдан чиқариб, унга чалғимасдан бор диққат-эътиборимиз эртанги ўйинга қаратишимиз лозим. Худо хоҳласа, эртага мухлисларни яна бир бор хурсанд қилиш учун бор имкониятимизни ишга соламиз.Эслатиб ўтамиз, ОКМК — «Истиқлол» учрашуви 18 апрель куни Тошкент вақти билан 00:00 да бошланади.Миржамол Қосимов, ОКМК ярим ҳимоячиси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)