Ўзбекистонда 16 апрель куни ёғингарчилик кутилмайди, ҳаво ҳарорати 22-27 даража илиқ атрофида бўлиши кутилмоқда. Кейинги 3 кун ичида республика бўйича апрель ойи ўртаси учун меъёрий қийматларга яқин бўлган ҳаво ҳарорати билан илиқ ва асосан қуруқ об-ҳаво сақланиб туради, деб хабар бермоқда «Ўзгидромет».
Қайд этилишича, республика ҳудудининг кўп қисмида 17—18 апрель кунлари ёғингарчилик кутилмайди. Фақат 18 апрель, якшанба куни Фарғона водийси вилоятларида, шунингдек, республиканинг тоғолди ва тоғли ҳудудларида, 19 апрель, душанба куни эса республика шимолида баъзи жойларда ёмғир ёғиши момақалдироқ бўлиши мумкин.
Ҳаво ҳарорати 16—19 апрелда кечалари 9-14 даража илиқ, кундуз кунлари 22-27 даража илиқ атрофида бўлади.
Дам олиш кунлари Тошкент ва Наманган вилоятларининг тоғли ҳудудларида 2000 метрдан юқорида қор кўчиши хавфи бор.
20 апрелда Ўзбекистон ҳудудига шимоли-ғарбий оқим билан Россия ҳудудларидан совуқ ва нам ҳаво массалари кириб келиши бошланади. 20—21 апрелда кўпгина вилоятларда (республиканинг шимолидан ташқари) ёмғир ёғади, шамолнинг кучайиши кутилмоқда. Ҳафтанинг ўртасига келиб, ҳарорат 10-12 даражага пасаяди.
Мавзуга доир: Ўзбекистонда 17 апрель куни ҳаво илиқ ва қуёшли бўлади
Изоҳ (0)