Ўзбекистонда маҳаллалар сони 9 216 тага етди

Ўзбекистонда 2021 йил 10 апрель ҳолатига кўра жами фуқаролар йиғинлари сони 17 тага кўпайди ҳамда уларнинг сони 9 216 тани (2021 йил 15 март ҳолатига 9 199 та) ташкил этмоқда. Бу ҳақда Маҳалла ва оилани қўллаб-қувватлаш вазирлиги хабар қилди.

Таъкидланишича, фуқаролар йиғинларининг:

• 8 933 таси маҳалла фуқаролар йиғини;
• 161 таси овул фуқаролар йиғини;
• 81 таси қишлоқ фуқаролар йиғини;
• 41 таси шаҳарча фуқаролар йиғинларидан иборат.

Мазкур фуқаролар йиғинларининг 8 таси жамоатчилик асосидаги, 576 таси чегара ва анклав ҳудудда, 11 таси ҳарбий шаҳарчаларда жойлашган фуқаролар йиғинлари ҳисобланади.

Янги ташкил этилган фуқаролар йиғинлари:

Самарқанд вилоятида – 5 та, жумладан:

• Самарқанд шаҳридаги «Қорасув», «Баҳодир Ялангтўш»;
• Қўшработ туманидаги «Тинчлик», «Намуна», «Янгиобод»;

Хоразм вилоятида – 5 та, жумладан:

• Урганч туманидаги «Янгиобод», «Янги Ўртабоғ»;
• Тупроққалъа туманидаги «Янги замин», «Нуробод», «Яккачиқир»;

Фарғона вилоятида – 4 та, жумладан:

• Учкўприк туманидаги «Анҳор бўйи», «Сой бўйи», «Ниҳол», «Боғибўстон»;

Қашқадарё вилоятида – 2 та, жумладан:

• Деҳқонобод туманидаги «Дўстлик», «Хўжа Маҳмуд»;

Наманган вилоятида эса битта – Наманган шаҳридаги «Саховат» маҳалла фуқаролар йиғинларидир.