O‘zbekistonda masjidlar soni jami 2088 taga yetdi, deya xabar qilmoqda Din ishlari bo‘yicha qo‘mita matbuot xizmati.
Ma’lum qilinishicha, Surxondaryo viloyati Adliya boshqarmasi tomonidan “Eshonquljon bobo” jome masjidi ro‘yxatdan o‘tkazilib, uning ro‘yxatdan o‘tkazilgani to‘g‘risidagi guvohnoma diniy tashkilotga topshirildi.
Shu bilan Surxondaryo viloyatidagi masjidlar soni 120 taga yetdi.
Bundan avval Namanganning “Afsonalar vodiysi” bog‘idagi yangi masjidda ilk juma namozi o‘qilgani, Urgutda Samarqand viloyatidagi eng katta masjid hamda Toshkentda “Siroj solih” jome masjidi ochilgani haqida xabar berilgandi.
