Бадавлат бўлишига қарамай камтарона яшаётган юлдузлар (фото)

Машҳурлик ва бойлик инсон ҳаётини тубдан ўзгартириб юбориши ҳеч гап эмас. Масалан, кўплаб таниқли юлдузлар қимматбаҳо машиналар сотиб олади, ҳашаматли қасрларга кўчиб ўтади. Бироқ уларнинг орасида айримларининг ҳисоб рақамларида миллионлар даромади бўлса-да, камтарона турмуш тарзидан воз кечмайди.

Киану Ривз кўчада дам олмоқда

Голливуднинг энг камтар юлдузларидан бири. Оғир кунларни бошдан кечирганига қарамай, актёр раҳмдиллиги билан барчани ҳайратга солишда давом этмоқда. У болалар шифохоналари ва саратон касаллиги бўйича тадқиқотларни молиялаштиради. У одатда йўлакда шарбат ичиб бироз дам олиб, сўнгра уйига мотоциклда қайтишни яхши кўради.

Анжелина Жоли ўғлининг курсдоши билан суҳбатлашмоқда

Ўғли мактабни якунлаб, университетга кирган ҳар қандай она хурсанд бўлиши табиий, шунингдек, Анжелина Жоли ҳам. Жоли ва Питтнинг катта ўғли Меддокс Жанубий Кореядаги Йонсе университетида биокимё бўйича таълим олади. Жоли ўқишнинг биринчи кунида ўғлини қўллаб-қувватлаш учун келган ва унинг курсдошлари билан суҳбат қурган.

Ҳозиргина метродан чиққан Сара Жессика Паркер

Сарани кўпинча метрода учратиш мумкин. Актриса учун транспортнинг арзонроқ турида юриш саргузаштга ўхшайди. У ҳаттоки Нью-Йоркнинг гавжум кўчалари акс этган видеони ўзининг Instagram’даги саҳифасига жойлаштиради.

Эшли Бенсон ёқилғи қуйиш шохобчасида

«Ҳаммага салом. Ҳафта охирида машинамга ёқилғи қуйдирганимни маълум қилмоқчиман. Умид қиламанки, сиз ҳам вақтингизни яхши ўтказмоқдасиз. Илтимос, бугун кечки овқат учун кимда қандай таклиф бор. Маслаҳатингиз керак», – дейди Эшли Instagram саҳифасида. Энг таниқли юлдузларнинг бири сифатида актриса ҳам бошқалар сингари оддий қиз эканини кўрсатди.

Риз Уизерспун болалари билан боғда

Актрисанинг муваффақиятли карьераси унинг ғамхўр она бўлишига тўсқинлик қилмаслигини маълум қилган. У қизи ҳамда ўғли билан биргаликда болалар майдончасида вақт ўтказади. Кейин оилавий пикник уюштириб, пицсадан баҳраманд бўлади.

Найл Хоран метрода суратга тушмоқда 

Мана яна бир қизиқарли хабар. «Метрода селфи» – дея изоҳ қолдирган One Direction’нинг собиқ қўшиқчиси Instagram’даги саҳифасида. Найлга жамоат транспорт воситаси шунчалар ёқадики, шунинг учун ҳам селфига тушишдан қайтмайди.

Кетрин Зета-Жонс қизи билан мактабга метрода боради

Кетрин машҳур актриса бўлишига қарамай, шаҳарда метродан фойдаланишдан уялмайди. Бундан ташқари, у қизини мактабга метрода олиб боришни афзал кўради. Актриса оддий одамлардан фарқ қилмаслигидан фахрланади.

Сандра Буллок ва Рианна танаффус вақтида ҳот-дог тановул қилмоқда

Ҳот-дог ва картошка-фри комбинацияси шу қадар мазалики, Сандра ва Буллок ҳам уни рад этмайди. «Оушеннинг 8 дўсти» фильмининг суратга олиш жараёнидан кейин танаффус вақтида улар фастфуд истеъмол қилиш учун ошхонага кирган. Улар ҳаттоки биргина қулоқчиндан фойдаланган ҳолда нимадир тингламоқда.