Футбол бўйича Ла Лига 30-тури доирасида Мадриднинг «Реал»и ўз уйида 10 апрель, шанба куни Каталониянинг «Барселона»сини меҳмон қилди.
Учрашувда мадридликлар азалий рақиби устидан 2:1 ҳисобидаги ғалабага эришди. «Қаймоқранглилар»нинг ўйиндаги иккинчи голига 28-дақиқада Тони Кроос муаллифлик қилди. Немис футболчисининг жарима зарбасидан йўллаган зарбаси йўл-йўлакай меҳмонларнинг икки футболчисига тегиб Марк Андре тер Штеген қўриқлаётган дарвозадан ўрин олди.
«Реал» «Эль-Класико»лар доирасида 2000 йил 26 февралидан бери тўғридан-тўғри жарима зарбасидан «Барселона»га гол ура олмаётган эди. Кроосга қадар сўнгги бор бу ишни 21 йил аввал Роберт Карлос уддалаганди.
Маълумот учун, «Реал» «Барселона» устидан қозонган ғалабасидан сўнг Ла Лигада 66 очко билан пешқадамга айланди. «Барселона» эса 65 очко билан 3-ўриндан жой олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)