Футбол бўйича Англия Премьер Лигасининг 30-турида «Манчестер Сити» 10 апрель, шанба куни «Лидс»ни қабул қилди.
Учрашувнинг 42-дақиқасида Стюарт Даллас меҳмонларни олдинга олиб чиқди. Биринчи бўлимга қўшиб берилган вақтда «Лидс» жамоаси бир ўйинчи кам бўлиб қолди: Лиэм Купер тўғридан-тўғри қизил карточкага лойиқ кўрилди.
Иккинчи бўлим тўлиқ «шаҳарликлар»нинг назорати остида кечди. 76-дақиқага келиб, Ферран Торрес мувозанатни тиклади. Бироқ ҳакам томонидан қўшиб берилган вақтда Даллас қарши ҳужумда гол уриб, «Лидс»га ғалаба келтирган гол муаллифига айланди.
«Манчестер Сити» 74 очко билан пешқадамликни сақлаб турибди. Марсело Бьелса жамоаси эса (45) 9-ўринда бормоқда
АПЛ
30-тур баҳси
10 апрель, шанба
«Манчестер Сити» — «Лидс» 1:2
Голлар: 0:1 – 42 Даллас, 1:1 – 76 Ферран Торрес, 1:2 – 90+1 Даллас.«Манчестер Сити»: Эдерсон, Жоау Канселу, Стоунз, Аке (Гундўған, 58), Зинченко, Ферран Торрес, Фернандиньо, Стерлинг, Бернарду Сильва, Менди (Фоден, 74), Габриэль Жезус.
«Лидс»: Меле, Купер, Эйлинг, Льоренте, Даллас, Алиоски, Филлипс, Элдер Кошта, Рафинья (Шекелтон, 90+7), Бемфорд (Стрейк, 45), Роберц (Кох, 63).
Огоҳлантиришлар: Аке (35), Алиоски (66), Бернарду Сильва (83).
Четлатиш: Купер (45).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)