Футбол бўйича БАА Лига Кубоги финалида «Шабоб ал-Аҳли» ва «Ан-Наср» жамоалари 9 апрель, жума куни ўзаро тўқнаш келди.
Учрашувнинг 35-дақиқасида «Ан-Наср» футболчисининг четлатилишидан кейин номинал меҳмонлар бир ўйинчи кам бўлиб қолди. Бироқ «Шабоб» бу имкониятдан унумли фойдалана олмади.
Учрашувнинг асосий вақти дуранг билан якун топди. Қўшимча бўлимларда ҳам ҳисоб ўзгармади ва пенальтилар сериясига мурожаат қилинди. Унда «Шабоб ал-Аҳли» 5:4 ҳисобида ғалаба қозонди. Жалолиддин Машарипов 11 метрлик нуқтадан Паненко услубида гол уриб, жамоасининг ғалабасига ҳисса қўшди.
Шу тариқа «Шабоб ал-Аҳли» БАА Лига Кубоги ғолибига айланди. Ушбу жамоада Машариповдан ташқари Азиз Ғаниев ва Одил Ҳамробеков каби ўзбекистонлик футболчилар тўп суради.
БАА Лига Кубоги
Финал
9 апрель, жума
«Шабоб ал-Аҳли» — «Ан-Наср» 0:0
Пенальтилар серияси — 5:4Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)