Кипрда яшовчи қиз тўйи куни дунёдаги энг узун фатани кийиб, Гиннеснинг рекордлар китобига кирди. Бу ҳақда Guinness World Records хабар берди.
Маълумотларга кўра, Мария Параскева кийган тўй кўйлагининг бош қисмидаги безак 6 962 метр узунликда.
«Мен болалигимдан буён энг узун фата бўйича Гиннеснинг рекордини янгилашни орзу қилар эдим. Ушбу фатани тўлиқ ёйиб чиқиш учун менга 6 соат ва 30 нафар ёрдамчи керак бўлди», − дейди аёл.
Гиннеснинг рекордлар китобининг Instagram’даги аккаунтида Параскева кийган тўй либоси видеоси пайдо бўлган. У 25 мингдан ортиқ лайк тўплаган. Шунингдек, тармоқ фойдаланувчилари бош кийимнинг узунлигига қойил қолган.
Улар томонидан «Одамлар бу каби ғояларни қаердан олади?», «Ақлдан озиш мумкин», «Унинг ўлчами майдон катталигида», «Аввалига мен уни узун ўргимчак тўри деб ўйладим», − деб изоҳ қолдирилган.
Яна айримлар ушбу узунликдаги фатани ноўрин деб ҳисоблаган ва «Нега бу ишни қилдинг?», «Мен одамларни ёмон кўраман», «Жуда кўп мато беҳуда сарфланган», «Бу шунчаки жиннилик», «Куёвнинг асаблари темирдан бўлиши керак», дея фикр билдирган.
Изоҳ (0)