Америкалик бизнесмен ва ихтирочи Илон Маск «Годзилла Конгга қарши» фантастик жангари фильмини томоша қилганидан сўнг, ўз таассуротлари билан бўлишди. Қисқа тақризни у Twitter’даги саҳифасига ёзиб қолдирган.
Маск Warner Bros. кинокомпаниясининг картинасига «бу энг телба фильм» дея изоҳ берган.
«Гозилла Конгга қарши — шу қадар ҳайратланарлики, шунчаки вау! Мен кўрган энг телба фильм! Фитна назариясига эргашувчиларга севги мактуби! Шунга қарамай, фильмнинг охири анча таъсирли», — деб ёзган SpaceX ва Tesla асосчиси.
Аввалроқ АҚШда премьераси бошланган Warner Bros. кинокомпаниясининг «Годзилла Конгга қарши» фантастик фильми пандемия даврида янги касса рекордини ўрнатгани тўғрисида хабар берилганди.
Жаҳон прокатида Адам Вингарднинг лентаси икки ҳафтада 285,4 миллион доллар йиғишга муваффақ бўлган, ўтган дам олиш кунларининг ўзида — 120,1 миллион доллар. Бу каби касса йиғимлари карантин чекловлари даврида ақл бовар қилмас натижа ҳисобланади. Бошқа ҳар қандай йилда рақамлар паст ҳисобланган бўларди, чунки фильм бюджети — 160 миллион доллар.
Изоҳ (0)