Шаҳзода Гарри Меган Маркл билан биргаликдаги Netflix учун биринчи лойиҳасини эълон қилди

Netflix хизмати Сассекснинг герцог ва герцогиняси илк марта иштирок этадиган лойиҳанинг биринчи трейлерини тақдим этди, деб ёзади Hello.

Invictus Games — «Мағлубиятсиз ўйинлар» лойиҳаси иштирокчилар билан биргаликдаги кўп қисмли ҳужжатли сериал бўлади. Бу ҳарбий хизмат ва жанговар ҳаракатлар пайтида жароҳат олган собиқ ва амалдаги ҳарбийлар учун халқаро кўп тармоқли мусобақадир. Ўйинлар шаҳзода Гарри томонидан шахсан 2014 йилда ташкил этилган.

Prince Harry has been a champion of the Invictus Games since its inception so it’s fitting that Archewell’s first Netflix series will spotlight and celebrate the competition’s amazing athletes.

Heart of Invictus will follow the competitors as they prepare for 2022’s games. pic.twitter.com/yM7t2qdBsw

— Netflix (@netflix) April 6, 2021

Шунингдек, ҳозирда ҳам у ўзининг мустақил лойиҳасини тақдим этди. Герцог икки дақиқалик трейлерда сериалнинг бошқа қаҳрамонлари билан пайдо бўлди. У Invictus Heart («Мағлубиятсиз юрак») деб номланган ва 2020 йилда Гаага шаҳрида бўлиб ўтиши керак бўлган ва пандемия туфайли 2022 йилга қолдирилган танловга тайёргарлик кўриш вақтида бутун дунё бўйлаб ўйин иштирокчилари ҳақида гапириб беради.

Трейлерда Меган Маркл кўриниш бермаган, аммо суратга олиш жараёнида иштирок этади. Гап шундаки, сериални суратга олиш ишлари уларнинг Archewell Productions компанияси томонидан режиссёр Орландо фон Айнзидель ҳамда продюсер Жоанна Натасегара билан биргаликда амалга оширилади. Шунингдек, Гарри нафақат сериалда роль ижро этади, балки ҳужжатли лойиҳанинг продюсери ҳам ҳисобланади.