«Годзилла Конгга қарши» фильми пандемия даврида рекорд даражадаги касса йиғимлари билан старт олди

АҚШда премьераси бошланган Warner Bros. кинокомпаниясининг «Годзилла Конгга қарши» фантастик фильми пандемия даврида янги касса рекордини ўрнатди, деб хабар беради «Korrespondent.net».

Dedline маълумотларига кўра, уч кунлик дам олиш давомида картина 32,2 миллион доллар, кинотеатрларда намойиш этилганининг беш куни ичида эса 48,5 миллион доллар тўплаган.

Жаҳон прокатида Адам Вингарднинг лентаси икки ҳафтада 285,4 миллион доллар йиғишга муваффақ бўлган, ўтган дам олиш кунларининг ўзида — 120,1 миллион доллар. Бу каби касса йиғимлари карантин чекловлари даврида ақл бовар қилмас натижа ҳисобланади. Бошқа ҳар қандай йилда рақамлар паст ҳисобланган бўларди, чунки фильм бюджети — 160 миллион доллар.

Таъкидланишича, «Годзилла Конгга қарши» фильми, HBO Max оқимли сервиси орқали ҳам намойиш этилмоқда.

Киностудия платформадаги томоша қилинишлар сонига оид маълумотларни тақдим этмаган, бироқ WarnerМеdia Direct-tо-Consumer бош директори Энди Форселл фильм HBO Max’да 2020 йилда сервисда намойиш этилган бошқа фильм ёки телешоулардан кўра кўпроқ аудитория тўплаганини таъкидлаган.