Ёшлигида ўқиш баҳонасида танишган ва бугунги кунга қадар илиқ муносабатда бўлган машҳурлар ҳақида маълумот бериб ўтамиз.
Кэмерон Диас ва Snoop Dogg
Рэпернинг катта эканлигига қарамай, улар Кэмерон билан Калифорниянинг ўрта билим юртида бирга таълим олган. Snoop Диас уни гуруҳдоши деб ҳисобламаганини ҳазил билан эсга олади.
Эдди Редмейн, Том Хиддлстон ва шаҳзода Уильям
Эдди Редмейн, Том Хиддлстон ва шаҳзода Уильям Англиядаги коллежда бирга ўқиган. Шаҳзода билан регби бўйича бир жамоада бўлган Эди у билан ҳалигача мулоқот қилиб туришини таъкидлайди.
Николь Кидман ва Наоми Уотс
4 ёшида оиласи билан Австралияга кўчиб келган Николь Сиднейдаги мактабда таҳсил олган. Шундан буён у Наоми билан қалин дўст тутинган.
Женнифер Энистон ва Чез Боно
Женнифер ва Чез Нью-Йоркдаги актёрлик мактабида бирга таҳсил олган. Актриса Чезнинг уйига бир неча марта меҳмонга борганини таъкидлаган.
Лив Тайлер, Кейт Хадсон ва Зоуи Дешанель
Қизлар бир вақтлар Калифорниядаги Санта-Моника мактабида бирга ўқиган. Кейт ва Зоуи ҳатто биргаликда мактабдаги спектаклда иштирок этиш учун синовда қатнашган.
Кичик Роберт Дауни, Шон Пенн ва Чарли Шин
Мазкур учлик Калифорниянинг Санта Моника коллежида бирга ўқиган. Роберт мактабни ташлаган, Чарли ҳайдалган, фақатгина Шон дипломни қўлга киритишга муваффақ бўлган.
Ким Кардашьян ва Пэрис Хилтон
Ким ва Пэрис Калифорниядаги Бакли мактабида таҳсил олган. Кейинроқ Ким Пэриснинг ассистенти бўлган, сўнгра ҳаммаси ўзгарган.
Рами Малек ва Кирстен Данст
Актёрлар Нотр-Дамдаги мактабда ўқиган. Ўқувчилик йиллари Рами киноюлдуз бўлиб улгурган Кирстенга ошиқ бўлган.
Бен Аффлек ва Мэтт Деймон
Бошланғич мактабда танишган йигитларнинг ҳар иккиси ҳам актёр бўлишга қарор қилган ва бунинг уддасидан чиқа олган.
Изоҳ (0)