Ўзбекистон халқ артисти, «Эл-юрт ҳурмати» ордени соҳиби Убайдулла Бақоев (Убайдулла Омон) 73 ёшида 44 ёшли қизга уйлангани ҳақида хабар берилган эди. Таниқли актёр «Севимли» телеканалининг «Хайрли оқшом» кўрсатуви меҳмони бўлди ҳамда ўзидан салкам 30 ёш кичик аёлга уйланганига фарзандлари қандай муносабат билдиргани ҳақида сўзлаб берди.
«Фарзандларим хотинимни биринчи кундан яхши қабул қилди. Наргиза ҳам, Нигина ҳам (актёрнинг қизлари). Уларга таништирдим: ‘Мана, Нилуфар, инглиз тилидан дарс беради, менга маъқул бўлди’, дедим. Ҳаммалари хурсанд бўлиб, қабул қилди. Менинг фарзандларим жуда ақлли. Улар кўп китоб ўқийди. Китоб ўқиган одам ҳаётда камдан кам хато қилади. Чунки китоб берган тавсиялар уларнинг хаёлида бўлади. Қизларим жуда кўп китоблар ўқиган, жаҳон романларини ўқиган. Улар ҳаётда шундай воқеалар бўлишини билади. Ёлғизлик Аллоҳга хос, инсоннинг ёнида кимдир бўлиши керак. Ҳаёт бу байрам эмас. Ҳаёт оғир, машаққатли йўл. Унда ташвишли кунлар кўп бўлади, мана шундай кунларда ёнингизда кимдир бўлиши керак. Шунинг учун, Худога шукур, ҳаётимда янги бир саҳифа бошланди», — дейди актёр.
«Хотиним ўлган куни жасадни олиб кетаётганимизда Нилуфар машинада ўтирган бўлган ва дугонасидан сўраган ‘Ким бу, шунақа файзли кунда вафот этибди?’, деб. Хотиним Рамазоннинг 10-санасида вафот этган эди. Дугонаси ‘Убайдулла Омоннинг хотини, врач эдилар’, деган. Орадан бир йил ўтиб, йил оши бераётганимда ўша жойда мен Нилуфар билан тасодифан танишиб қолдим », — дейди Убайдулла Омон иккинчи рафиқаси билан қандай танишгани ҳақида.
Изоҳ (0)