Маълумки, давлат раҳбарларининг турмуш ўртоқлари ҳамиша диққат марказида. Шунинг учун ҳам улар ташқи кўриниш ҳамда қоматни чиройли сақлаш учун ҳаракат қилишига тўғри келади.
Карла Бруни
Никола Саркози 2007–2012 йилларда Франция президенти бўлган. Унинг рафиқаси Карла Бруни турмуш ўртоғига расмий тадбирларда ҳамроҳлик қилган ва қийин вазиятларда қўллаб-қувватлаган. Карла қоматини худди ёшликдагидек сақлаб қолган.
Бунда унга қаттиқ парҳез ёрдам беради. Карла ҳар тонгда тана ва юз терисини яхшилаш мақсадида майданоз (петрушка) сувидан ичади. Нонушта учун донли нон ва сариёғдан сендвич тайёрлайди. Унинг рациони тухум, ёнғоқ, қисқичбақа, балиқ ва резавор мевалардан иборат. Парҳез борасида айрим кунлари умуман овқат истеъмол қилмайди. Фақатгина олма ва кўк чой билан кифояланади. Унинг жадвалида ҳамиша спорт билан шуғулланиш учун вақт бор.
Мелания Трамп
Мелания — 2017–2021 йилларда АҚШ президенти бўлган Дональд Трампнинг рафиқаси. Ўтган вақт давомида жамоатчилик сиёсатчининг рафиқасини диққат билан кузатиб борди. Мелания моделлик бизнеси бўйича яхши тажрибага эга. Асли словениялик биринчи хоним Беррон исмли ўғилни тарбияламоқда.
Бўйи 186 сантиметрни ташкил этган Меланиянинг вазни 56 килограмм. У истеъмол қилаётган ҳар бир маҳсулотга эътибор қаратади. Нонушта учун жўхори уни билан смузи, сўнгра камида 7 та мева ёки сабзавот тановул қилади. Шунингдек, биринчи хоним жуда кўп миқдорда сув ҳам ичади. Шакар ва фаст-фуд таомлардан воз кечган.
Рания ал-Абдалла
Абдалла ибн Ҳусейн 1999 йилда тахтга ўтирган. Унинг рафиқаси Рания фаластинлик бўлиб, улар оила қурганига 6 йил бўлган. Уларнинг ёши орасидаги фарқ 8 йилни ташкил этади. Малика тўртта меросхўрни дунёга келтирди: Ҳусейн ва Ҳошим, Имон ва Салма. Шу билан бирга, Рания ижтимоий тадбирларда фаол иштирок этади ва аёллар ҳуқуқини ҳимоя қилади.
Рания тонгни ёга билан бошлайди. У кўпроқ ёнғоқ маҳсулотларини яхши кўради. Унинг ратционида буғда пиширилган таомлар, пишлоқ, яшил сабзавотлар мавжуд.
Қиролича Летиция
Филипп VI 1977 йилда Испания қиролига айланди. 2003 йилда эса унинг журналист Летиция Ортис Роксолано билан муносабатлари эълон қилинган. Қиролича спорт билан шуғулланади, шунинг учун ҳам қоматига ҳавас қилса арзийди. Овқатланишда эса мувозанатни сақлашга ҳаракат қилади. У қизил балиқ, янги узилган мевалар, қўзиқорин ва сабзавотларни афзал кўради. У рационни тузишда қариш жараёнини тезлаштирадиган зарарли моддаларга бой маҳсулотларни чиқаришга ҳаракат қилади.
Малика Шарлен
Собиқ сузувчи ва ўқитувчи Шарлен Уитцток Монако қироли Албер II нинг рафиқасидир. Уларнинг Жак Оноре Рене ва Габриэлла Тереза Мария исмли эгизак фарзандлари бор. Шарленнинг энг севимли таоми − лимон шарбати ва Африка зираворлари билан қовурилган товуқ гўшти. Малика доимий равишда спорт билан шуғулланади. Шунингдек, у ўз гўзаллигини косметологларга ишониб топширади.
Изоҳ (0)