Турк кино ижодкорлари томонидан суратга олинган «Муҳташам юз йил» сериалидаги ижроси билан мухлислар қалбидан жой олган актёрларнинг арсеналидаги энг яхши сериал ва фильмлар ҳақида маълумот бериб ўтамиз.
Меҳмет Гунсур
2011 йилда «Муҳташам юз йил»да шаҳзода Мустафо ролини ижро қилган Меҳмет иштирокидаги «Севги тасодифларни севар» фильми ҳам шу йилнинг ўзида тақдим қилинган. Кейинчалик актёр «Унуцам пичирла» фильми, «Қизил Истанбул» ҳамда «Фи, Чи, Пи» сериалида суратга тушган. Netflix томонидан суратга олинган «Атие» сериали эса 2019 йилда суратга олинган.
Гурбей Илери
Гурбей сериалда шаҳзода Меҳмет ролини ижро қилган. «Муҳташам юз йил»гача у «Орқа навбатдагилар» сериалида суратга тушган. Кейинчалик эса актёр «Эртуғрул: Тирилиш», «Тақдирим ёзилган кун» сериалларида суратга тушиш учун таклиф қилинган.
Арас Булут Ийнемли
Сериалда шаҳзода Боязид ролини ижро қилган Арас, бир қанча лойиҳаларда иштирок этган ва улардан аксарияти юқори рейтингларни эгаллаган. «Қимматли вақт», «Наҳотки бир-биримизни тушундик», «Ичкарида» ва «Чуқур» сериаллари шулар жумласидан. «Еттинчи бўлмадаги мўъжиза» фильми эса Туркия томонидан Оскар мукофоти учун илгари сурилган.
Энгин Озтурк
Лойиҳада шаҳзода Салим ролини ижро қилган актёр суратга олиш ишлари тугаганидан кейин ҳам фаол бўлган. У «Эртуғрул: Тирилиш», «Ҳимоячи», «Олий табақа», «Юзлашма» ҳамда «50 квадрат метр» сингари сериалларда роль ижро қилган.
Толга Сариташ
«Муҳташам юз йил»да шаҳзода Жаҳонгир ролини гавдалантирган Толга ҳам бугунги кунда ҳам фаол суратга тушиш билан банд. Мухлислар уни «20 дақиқа», «Гунеш қизлари», «Қасам», «Ариза» ҳамда «Тугалланмаган севги» сингари сериал ва фильмларда кўриши мумкин.
Селим Bayraktar
Сериалдаги Сумбул оға образи билан яхши таниш бўлган актёр «Романтик комедия 2», «Қизил Истанбул», «Кечанинг қироличаси», шунингдек, «Меросхўрлар» сингари лойиҳаларда иштирок этган.
Изоҳ (0)