Германияда саратоннинг энг оғир шаклларидан бири — бош мия ўсимтасига қарши вакцинанинг биринчи босқич клиник синовлари ўтказилди, деб хабар беради «Korrespondent.net».
Мазкур дори воситаси трикарбон кислотани синтез қилувчи IDH1 оқсили қисмининг ўзгартирилиши натижасида яратилган. Генда IDH1’ни блокловчи мутация содир бўлади. Бу каби асоратлар глиома билан касалланганларнинг 75 фоизида кузатилган. Айнан шу мутация бош мияда саратон ҳужайраларининг ривожланишини таъминлайди.
«Иммун тизими IDH1 мутант оқсилини бегона сифатида таниб, Т-лимфоцитларга кирувчи Т-хелперларнинг спецефик жавобини ишга тушириши мумкин», — дея ойдинлик киритади мутахассислар.
Глиомага қарши вакцина бир неча йил олдин яратилган. У таржима каламушларида синовдан ўтказилган ва у мутация жараёнида саратон ҳужайраларининг ўсишини тўхтатишга қодирлиги исботланган. Энди эса у глиома билан касалланган 32 кишида синовдан ўтказилган. Тажриба иштирокчилари саккиз марталик эмлашдан иборат бутун бошли вакцинация курсидан ўтган.
Таъкидланишича, вакцинация давомида оғир таъсирлар қайд этилмаган, бироқ шу билан бирга, айрим беморлар ўсимтанинг катталашувидан азоб чеккан.
«Фаоллаштирилган иммун ҳужайралари беморларга муваффақиятли кириб, ўсимтали тўқимада фаол ишлади. Эмланишда ўзига хос иммунитетга эга бўлган беморларнинг 82 фоизида ўсимта уч йил ичида ривожланмади», — дейди олимлар.
Ҳозирча вакцина назорат гуруҳи томонидан таққосланган бўлмаса-да, унинг хавфсизлиги, иммуногенлиги исботланган, синовлар давом этади. Тахминларга кўра, дори воситасидан иммунотерапия билан бирга фойдаланилади.
Аввалроқ мутахассислар саратоннинг кутилмаган симптомлари ҳақида маълумот берганди.
Изоҳ (0)