Россиялик олимлар жамоаси ҳиндистонлик мутахассислар билан бирга маҳсулотларни қадоқлашда ишлатиладиган истеъмолга яроқли плёнкани яратди, деб хабар беради Glamour.
Экологик истеъмолга яроқли плёнка денгиз ўтларидан олинган полимерлар ва табиий антиоксидантлар асосида яратилган. Плёнкадан фойдаланиб бўлгач, уни ейиш ёки сувда эритиб юбориш мумкин. Таъкидланишича, полиэтилендан ишланган одатдаги плёнкаларнинг парчаланишига 5—15 йил талаб этилади.
«Биз денгиз ўтларидан олинадиган машҳур табиий полимер — натрий алгинат асосида истеъмолга яроқли уч турдаги плёнкани яратдик. Унинг молекулалари плёнкасимон хусусиятларга эга. Алгинатнинг асосий ўзига хослиги — сувда у суюқ гелга айланади», — дейди россиялик олимлар.
Истеъмолга яроқли плёнка нафақат экологик, балки мустаҳкам ҳам. Унда мевалар, сабзавотлар, гўшт ва денгиз маҳсулотларини сақлаш мумкин, маҳсулотлар таркибидаги ферул кислотасининг антиоксидант хусусиятлари сабаб улар узоқ вақт яхши сақланиб қолади.
Аввалроқ Японияда оч қолганда ёрдам берадиган блокнот яратилгани тўғрисида хабар берилганди.
Изоҳ (0)