Тошкент вақти билан 27 мартдан 28 мартга ўтар кечаси Гибралтарда профессионал бокс кечаси бўлиб ўтади.
Мусобақанинг асосий жанги супер оғир вазн тоифаси вакиллари Александр Поветкин (36-2-1, 25 КО) ва Диллиан Уайт (26-2, 18 КО) ўртасида кечади. Бу мазкур боксчилар ўртасидаги иккинчи жанг ҳисобланади. 2020 йилнинг августида бўлиб ўтган дастлабки жангда россиялик боксчи нокаут билан ғалаба қозонганди.
Мусобақа Тошкент вақти билан 22:00 да бошланади. Поветкин ва Уайт ўртасидаги жангнинг бошланиш вақти аввалги беллашувларнинг ўтишига боғлиқ бўлади. Асосий тўқнашув тахминан 02:00 дан кейин бўлиб ўтиши режалаштирилган.
Ушбу бокс кечаси Ўзбекистон телеканаллари орқали эфирга узатилмайди. Жанг видеосини бу ерда томоша қилиш мумкин бўлади — ҳавола.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)