Олимлар Исландиядаги Фаградалсфядл вулқонининг ҳали совиб улгурмаган лавасида хот-дог учун соссикалар пиширди, деб ёзади Meduza.
Олти минг йилдан ортиқ вақт давомида ухлаб ётган вулқон, афтидан, исландиялик тадқиқотчилар уни улкан грилга айлантириши учун уйғонган кўринади.
Таъкидланишича, Фаградалсфядлда булочкаларни ҳам пиширса бўлади: фақат лава устига фольга қўйишга тўғри келган. «Олимлар дам олиш максимал қулай бўлиши учун ўзлари билан кетчуп ҳам олиб келган», — дейилади хабарда.
Эслатиб ўтамиз, Исландиянинг жануби-ғарбий қисмидаги Рейкянес яриморолида жойлашган Фаградалсфядл вулқони 19 март куни отилган. Вулқон мамлакат пойтахти Рейкявикдан тахминан 30 километр узоқликда жойлашган.
Вулқон содир бўлган жойда узунлиги 500 дан 700 метргача бўлган ёриқ ҳосил бўлган, ундан чиққан лавалар 100 метргача баландликка кўтарилган. Табиий ҳодисанинг дастлабки соатларида лава бир квадрат километрдан ортиқ майдонга (200 га яқин футбол майдонига тенг) тўкилган.
Изоҳ (0)