UFC промоушени 23 март, сешанба куни рейтингни янгилади.
Янгиланган рейтингдан енгил вазн тоифасининг собиқ чемпиони ва умумий рейтинг етакчиси Ҳабиб Нурмагомедов ўрин олмади.
Эслатиб ўтамиз, Ҳабиб 2020 йилнинг октябрида Жастин Гэтжига қарши жангдан кейин фаолиятини якунлашини маълум қилганди. Аввалроқ UFC президенти Дэйна Уайт россиялик яккакурашчи ҳақиқатда энди октагонга қайтмаслигини маълум қилди.
Шу тариқа Жон Жонс UFC умумий рейтинги етакчисига айланди. Рейтингдаги қолган яккакурашчилар ҳам бир поғонадан юқорилаган. Енгил вазн тоифасининг яна бир вакили Конор Макгрегор эса топ-15 лик рейтингга қайтди.
Шунингдек, Нурмагомедов эгалик қилган енгил вазн дивизиони чемпионлик камари ҳам эгасиз қолди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)