Alfa Invest компанияси рақамлаштириш ва мобиллик фойдасига танлов қилиб, қандай қилиб ва нима учун онлайн суғурта хизматларини ишга туширгани ҳақида гапириб берди. Компания мобиллик ва рақамлаштириш концепциясини танлаб, онлайн суғурта хизматларини ишга туширади.
Alfa Invest’нинг андеррайтинг ва қайта суғурталаш департаменти директори Рената Гареева ребрендинг доирасида компания олдида турган асосий мақсадлар ва онлайн суғуртага ўтиш жараёни ҳақида сўзлаб берди.
Alfa Invest олдида суғурта компаниясининг концепциясини акс эттириш учун брендни янада замонавий ва динамик қилиш — компаниянинг янада технологик ва қулайроқ бўлиши вазифаси турар эди. Компания таниқли «α» белгисини сақлаб қолиб, ўқишни янада тушунарлироқ қилиш учун логотипни янгилашга муваффақ бўлди. Шрифтли ёзиш янада замонавийлашди, ранглар эса ёрқинроқ тус олди.
Ребрендинг компанияни рақамлаштириш ҳамда бу йил бутун Ўзбекистон аҳолиси учун тақдим этиладиган онлайн суғурта хизматларини ишга тушириш билан бошланган вақтга тўғри келди. Рената Гареева суғурта маҳсулотларини рақамлаштириш қай тарзда амалга оширилиши ва нима учун бу мижозга қулай бўлиши ҳақида сўзлаб берди.
Онлайн суғуртани жорий этиш қанчалик долзарб?
Европа аҳолисининг тахминан 40 фоизи онлайн суғурта хизматларидан фойдаланмоқда. Германияда ҳар учинчи одамдан бири ва Буюк Британияда деярли ҳар тўртдан бири суғурта шартномасини интернет орқали тузади. Ўзбекистондаги суғурта компаниялари ҳам онлайн савдо тажрибасини ўзлаштира бошлади.
Alfa Invest пандемиянинг бошиданоқ суғурта полисларини онлайн сотишни муваффақиятли амалга оширишни бошлаган эди. Мижозларга қулайлик ва хавфсизлик учун компания чат-бот ва онлайн суғурта сайтини ишга туширди ҳамда етказиб бериш хизматлари билан ҳамкорликни бошлади. Энди Alfa Invest’нинг барча мижозлари суғурта полисини бир неча дақиқада, ҳатто уйдан чиқмаган ҳолда, интернет орқали олиши мумкин. Бошқа каналларнинг суғурта мукофотларини онлайн фойдага интенсив равишда қайта тақсимлаш давом этади, пандемия эса бу жараённи янада тезлаштирди.
Умуман олганда, суғурта бозорининг онлайнга ўтиш истиқболларини қандай баҳолайсиз?
Онлайн хизматлар — бу келажак. Тобора кўпроқ одамлар ўз вақтини компьютер ёки смартфонлар экрани ортида ўтказмоқда ва кундалик вазифалар интернет орқали ҳал қилинмоқда. Коммунал хизматларни интернет орқали тўлаш, озиқ-овқат етказиб бериш ва онлайн харидлар тўловларини амалга ошириш биз учун одатий ҳолга айланди. Кейинги босқич — суғурта қопламасини уйдан чиқмасдан сотиб олиш. E-polis ҳам ҳудди суғурта полисининг жисмоний бланки каби ҳужжатдир, фақат унинг бир нечта муҳим афзалликлари бор:
- полисни онлайн тарзда расмийлаштириш жуда қулайдир. Мижозга транспорт воситасини рўйхатдан ўтказишда компания офисига бориш, навбатда туриш ёки агентлар билан доимий курашиш шарт эмас. Alfa Invest’да полисни чат-бот ёки сайт орқали расмийлаштириш мумкин. Бунинг учун керакли маълумотларни киритиш ва полисга тўлов тизимлари ёки кредит карта орқали тўлаш кифоя. Суғурта шартномасини тузиш тўғрисидаги хабарнома ва суғурта полисининг ўзи электрон шаклда юборилади;
- бу қулай, чунки мижоз хотиржам шароитда суғурта қоидаларини диққат билан ўқий олади ва шу билан суғурта компаниясининг танловига сифатли ёндаша олади;
- агар мижозда бирор бир қийинчилик туғилса, алоқа марказининг мутахассислари полис рўйхатидан ўтишда ёрдам кўрсатади ва ҳар қандай саволга жавоб беради;
- E-polis — амалий жиҳатдан қулай. Электрон полисни йўқотиб қўймайсиз, у ҳар доим сизнинг смартфонингизда бўлади. Мижоз агар хоҳласа, суғурта компаниясининг офисида одатдаги шаклдаги суғурта шартномасини ҳам олиши мумкин;
- бу суғурта олишнинг ишончли ва хавфсиз усули. E-polis’ни воситачилар орқали эмас, балки тўғридан-тўғри Alfa Invest сайтидан сотиб олиб, сиз кўрсатилаётган суғурта хизматларининг ишончлилиги ва сифатига амин бўлишингиз мумкин.
Ўзбекистондаги суғурта соҳаси бозорининг ривожланиш прогнозлари ҳақида гапириб беринг.
Суғурта соҳасидаги онлайн савдолар кейинги бир неча йил давомида кескин кўтарилиши мумкин. Компанияларда мижозларнинг барча хизматлари онлайнга фаол тарзда ўтказилмоқда ва бу, албатта, қувонтиради.
Бугунги кунга қадар Молия вазирлиги ҳузуридаги суғурта тўловларини кафолатлаш жамғармасига мажбурий суғурта қилиш, электрон полисни сотиш ва рўйхатдан ўтказиш бўйича ахборот модулларини ягона ахборот тизими доирасида жорий этиш, уларни суғурта компаниялари ҳамда манфаатдор шахсларнинг маълумотлар базаси, манфаатдор вазирликлар ва идораларнинг ахборот тизимлари билан ўзаро бирлаштиришга кўрсатма берилди.
Alfa Invest компанияси ишига керакли ўзгаришларни киритди ва янгиланган сайт ва чат-ботни синовдан ўтказишга тайёрланмоқда, шунингдек, яқин келажакда мижозлар учун бир нечта акциялар ва содиқлик дастурларини ишга туширишни режалаштирмоқда.
Бугунги кунда Alfa Invest харидорларнинг онлайн суғурта соҳасига бўлган ишончини ошириш ва суғурта полисини бериш тартибини янада тезкор ва мобилроқ қилиш, ҳар бир мижоз учун соддароқ ва яқинроқ бўлиш учун барча имкониятларни ишга солмоқда.
Тун-у кун хизмат кўрсатувчи алоқа маркази: 1182, +99878 120 00 70, +99878 120 00 80
Telegram: AlfaInvestuz
Instagram: alfainvest.uz
Facebook: alfainvestuzbekistan
Реклама ҳуқуқи асосида.
Изоҳ (0)