Президент Чирчиқ шаҳрига ташрифи чоғида «Ифтихор» маҳалласини кириб кўрди. Кўп қаватли уйларда яшаётган одамлар билан суҳбатлашди. Бу ҳақда Президент матбуот хизмати хабар берди.

Фото: Мадина Нурман / «Дарё»

«Чирчиқ бир пайтлар донғи кетган шаҳар эди. Охирги вақтларда анча ‘чарчаб’ қолганди. Тегирмон навбати билан, дегандек, энди бу ерда ҳам ҳамма шароитларни яратамиз. Саноатни кўтариш, иш жойлари очиш, йўлни, иссиқлик таъминотини яхшилаш бўйича катта ишларни бошлаяпмиз», – деди давлат раҳбари.

Фото: Мадина Нурман / «Дарё»

Фото: Мадина Нурман / «Дарё»

Шавкат Мирзиёев ҳудуддаги муаммоларни, аҳолининг талаб ва истакларини сўради. Тадбиркорлик қилмоқчи бўлган йигитга ер ажратиш бўйича шаҳар ҳокимига кўрсатма берди. Президентни кўришни орзу қилиб, давлат раҳбари олдига чиққан болани бағрига босиб, суратга тушди.

Фото: Мадина Нурман / «Дарё»

Фото: Мадина Нурман / «Дарё»

Президент шу ердаги «Лола» маҳалласида ҳам бўлди. Ижтимоий ҳимояга муҳтож оила хонадонига кириб, ҳол-аҳвол сўради.

Йўл-йўлакай меҳнат фахрийлари билан самимий суҳбат бўлди. Улар мамлакатдаги тинчлик-осойишталик, Чирчиқ шаҳридаги ўзгаришлардан мамнун эканини айтиб, дуолар қилди.