Саломатликда муаммо бўлмаслиги ва вазн меъёрда бўлиши учун тўғри овқатланиш муҳим саналади. Аммо ҳар қандай фойдали модда ва витаминлар ҳам организмга шунчаки сингиб кетмайди, уларнинг фойдали хусусиятлари ошиши ҳамда яхши таъсир қилиши учун бошқа маҳсулотлар билан умумлаштириб истеъмол қилиш керак бўлади.
Исмалоқ ва қулупнай
Бу темир моддаси етишмайдиганлар учун энг аъло вариант. Исмалоқда деярли 3 мг темир моддаси мавжуд. Темир эса қулупнай, лимон, киви ва бошқа мевалардан топиш мумкин бўлган C витамини таъсирида яхши сингади. Кўкатнинг мазкур тури ва мазали мевани умумлаштириб, салат тайёрлаш, қўшимча сифатида эса лимон шарбатидан фойдаланиш тавсия қилинади.
Банан ва йогурт
Кальций организмга яхши сингиши учун пребиотик сингари таъсир кўрсатадиган инулинга бой маҳсулотлар билан бирга истеъмол қилиш керак. Саримсоқ, пиёз, банан каби маҳсулотлар эса ушбу модданинг кони саналади. Йогурт ва банан энг фойдали, қолаверса, мазали умумлашма бўлади.
Олма ва қора шоколад
Олма кверсетин, қора шоколад эса катехиннинг кони. Мазкур икки антиоксидантнинг умумлашмаси юрак фаолияти ҳамда қон суюлишини яхшилайди. Максимал фойдага эришиш учун қора шоколадни эритиб, унга олма қўшиш ҳамда аралашмани музлаткичга қўйиш тавсия қилинади.
Кўк чой ва лимон
Кўк чой қондаги қанд миқдорини назорат қиладиган, шунингдек, моддалар алмашинувини яхшилайдиган антиоксидантларнинг кони. Кўплаб тадқиқотларда лимон чойнинг фойдали хусусиятларини яхшилаши аниқланган.
Мева ва сули ёрмаси
Ҳар иккисида антиоксидантлик хусусиятига эга бўлган фитохималикалин бисёр бўлгани сабаб ҳам сули ёрмасидан тайёрланган бўтқага мева қўшиб истеъмол қилиш тавсия қилинади.
Қаҳва ва долчин
Калорияси деярли йўқ бўлган долчин антиоксидантга бой экани билан ўзига хос. У моддалар алмашинувини тезлаштиради, кофеин билан умумлашмаси эса ёғ эритиш хусусиятига эга.
Ҳумус ва зайтун ёғи
Ҳумусда зайтун ёғи билан қўшилса, бахт гормони — сератонинни кўпайтирадиган бир қанча озуқа моддалари бўлади.
Изоҳ (0)