«Америкага ташриф-2» фильми премьераси Эдди Мёрфини телевидение ва YouTube’даги кўрсатувларга қайтарди ва актёрнинг яна бир бор Голливуд юлдузи бўлишга муносиб эканини исботлади. Актёр ҳамкасби Дрю Бэрриморнинг муаллифлик шоусида кинодаги 8 йиллик танаффуси, бундай қарорга келишига нима сабаб бўлгани ҳақида сўзлаб берди.
«Аслида нима бўлгани ҳақида гапириб бераман. Мен бир кечада юлдузга айланиб қолмадим: бунинг учун узоқ ва кўп меҳнат қилишимга тўғри келди. Вақт ўтган сари режиссёрлар менга бачкана роллар учун кўпроқ пул таклиф қила бошлади. Аввалига бунга рози бўлдим. Шундай лойиҳаларнинг бир нечтасида роль ўйнаганимдан сўнг, майда муаммолар билан ўралашиб қолганимни англадим.
Олинган пуллар аллақачон ҳавога совирилган бўлса-да, мен ижро этган бемаънилик ҳали ҳам телевизорларда айланар эди. Ўша пайтда танаффус қилиш вақти келганини тушундим. Тинч ва хотиржам ўтган саккиз йиллик танаффус ривожланишим ва қайта тикланишим учун фойдали бўлди. Кейин эса ўзимга ваъда бердим: энди фақат мени қизиқтирган лойиҳалардагина роль ўйнайман. Буёғига фақат шундай бўлади», — деган актёр.
Мавзуга доир:
- Машҳур образларни яратишда ҳаётини хавф остига қўйган актёрлар (фото)
- Голливуд актёрлари қайси Болливуд юлдузлари билан бир кинода роль ижро этишни орзу қилади? (фото)
- Арнольд Шварценеггер, Жонни Депп, Мэрилин Монро ва бошқа жаҳон киноси юлдузларнинг севимли роллари (фото)
- Голливуд юлдузлари мактаб ёшида қандай кўринишда бўлган? (фото)
Изоҳ (0)