Bugun,

  • USD 11095.31
  • RUB 173.84
  • EUR 10772.44

Ovqatlanishdan bosh tortish, muzli suvda suzish va yopiq makonda yashash – kasbiga bo‘lgan muhabbati tufayli aktyorlar bularning barchasiga rozi bo‘ladi.

Leonardo Di Kaprio

Foto: “Kinopoisk”

Foto: “Kinopoisk”

Mahoratli aktyor “Hayot-mamot” filmida suratga tushish jarayonida juda ko‘p harakatlarni amalga oshirishi kerak edi. Leo birinchi navbatda vaznini orttirgan, so‘ngra syujet davomida qahramoni singari yovvoyi tabiatda omon qolishga harakat qilib, vazn tashlashiga to‘g‘ri kelgan. Suratga olish ishlari yashash uchun noqulay joylarda bo‘lib o‘tgan. Leo doimo oyoqlari ho‘l bo‘lganini, bir necha bor muzli suvga tushgani, ayniqsa, xom jigar iste’mol qilganini tan olgan. Natijada aktyor mehnatlari uchun haqli ravishda mukofot oldi, u uzoq kutilgan “Oskar” mukofotiga sazovor bo‘ldi.

Sandra Bullok

Foto: “Kinopoisk”

Foto: “Kinopoisk”

“Gravitatsiya” filmini suratga olish jarayonida rejissor Sandradan iloji boricha xuddi yolg‘iz bo‘lmaga o‘xshash yopiq qutida bo‘lishini so‘ragan. Aktrisa suratga olish guruhi a’zolari bilan faqatgina quloqchin va mikrofonlar orqali muloqot qilgan. Har kuni 12 soat mobaynida qutida bo‘lgan aktrisa aqldan ozishni boshlaganini ham tan olgan. Biroq yulduzning sa’y-harakatlari ham bekor ketmadi. Kartina “Oskar” mukofotini oldi, aktrisaning o‘zi esa“Eng yaxshi aktrisa” nominatsiyasi bo‘yicha ishtirok etdi.

Tom Xenks

Foto: “Kinopoisk”

Foto: “Kinopoisk”

Tom “Odamlardan yiroqda” filmidagi qahramon obraziga moslashish uchun bir necha kilogramm vazn yo‘qotishiga to‘g‘ri kelgan. Natijada Xenks sahroda yolg‘iz qolgan odamni ishonarli tarzda ijro etdi. Shuningdek, bu qandli diabet kasalligining rivojlanishiga ham sabab bo‘ldi.

Deniel Dey-Lyuis

Foto: “Kinopoisk”

Foto: “Kinopoisk”

“So‘nggi mogikan” filmini suratga olish jarayonida aktyor naqd 6 oy davomida o‘rmonda bo‘lib, o‘zi otib o‘ldirgan yovvoyi hayvonlarni tanovul qildi. 1966-yilda ham Deniel shunga o‘xshash voqeaga duch kelgan edi. “Shafqatsiz sinov” kartinasida suv va elektrdan voz kechib, qishloq aholisining turmush tarzini ko‘rsatgan.

Xit Lejer

Foto: “Kinopoisk”

Foto: “Kinopoisk”

Joker obrazi Xit Lejerning hayoti va taqdiriga qanday ta’sir qilgani haqida to‘xtovsiz gapirish mumkin. Aktyor “Qora ritsar”dagi roli uchun xonasidan chiqmasdan, bir oyni motelda o‘tkazgan. U Jokerning fikrlash tarzini aniqlashga urinib, juda kam uxlagan. Rejissorning so‘zlariga ko‘ra, Xit nafaqat Jokerni ishonarli tarzda o‘ynashga muvaffaq bo‘lgan, balki butunlay unga aylangan. Afsuski, Xit psixologik yuk tufayli uyqusizlikka duchor bo‘lib, dori vositasi yordamida bundan qutulmoqchi bo‘lgan. Dori vositalarining me’yoridan ortiq iste’moli tufayli aktyor 2008-yilda vafot etgan.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?