Yulduzlarning qizil yo‘lakdagi eng omadsiz pardozlari (foto)

Mashhurlar qizil gilam to‘shalgan yo‘lakchadagi fotosessiya uchun eng yaxshi vizajist va stilistlar tomonidan tayyorlanadi. Biroq yulduzlarning ba’zi bir chiqishlari shunchaki tushunarsiz: aktrisaning o‘zi yoki yordamchilaridan biri uning pardozi qanchalik beo‘xshov va tartibsizligini payqamagan lahzalar quyidagi suratlar singari kadrga muhrlanadi.

Jennifer Lopes

Ha, Jennifer Lopes xuddi shu makiyaj bilan qizil yo‘lakka chiqqan. Vizajistning ushbu ijodini makiyaj deb atash qiyin: pandanikiga o‘xshash qora halqali ko‘zlar, lablar esa jigarrang qalam bilan shunchalik chizilganki, hatto bir necha santimetrlik joyni egallagan. Bu mashhur vizajist Meri Fillipsning ishi ekanligiga ishonging ham kelmaydi.

Anjelina Joli

Ko‘pchilik Anjelina Jolining ushbu “yulduzli” chiqishini un tegganga o‘xshagan yuzi orqali eslaydi. Shaffof pudrani qanday ishlatishni bilmasangiz, shu holga o‘zingiz ham tushishingiz aniq. Tabiiy yorug‘likda hammasi ajoyib ko‘rinadi, lekin “vspishka”ni yoqishingiz bilan ko‘z oldingizda makiyaj “sxema”si yaqqol namoyon bo‘ladi.

Tayra Benks

Tayra Benksning bu makiyajini to‘la ma’noda omadsiz chiqqan deyish mumkin. Bunday makiyajni vizajist yaratishi mumkinligiga ishonish qiyin: qoshlargacha yetib borgan qora ten va umumiy obrazga mos tushmagan siyohrang-pushti lab bo‘yog‘i Benksning noqulay ahvolga tushishiga sababchi bo‘lgandir, ehtimol.

Nikol Kidman

Shaffof pudraning noto‘g‘ri ishlatilganiga yana bir misol: Nikol Kidman bilan bunday xatolar bir necha bor yuz bergan. Fotosessiya paytida aktrisa o‘zining ajoyib ko‘rinishiga amin bo‘lgan bo‘lsa kerak. Qiziq, keyinroq ushbu suratlariga qarab qanday ahvolga tushgan ekan?

Yeva Longoriya

Yeva Longoriya konsiler ustidan shaffof pudra surtganini unutgan, shekilli. Aftidan, aktrisa ziyofatda paparatssilar tomonidan suratga olinishini kutmagan.

Dryu Berrimor

Mana, Dryu Berrimorning mashhur chiqishi: aktrisa yuziga shu qadar ko‘p pudra surtganki, hattoki sochlari ham oqarib ketgan. Ushbu makiyaj qizil gilamcha uchun mo‘ljallangan vizajist obrazidan ko‘ra, ko‘proq Helloun arvohini eslatadi.

 Lindsi Lohan

Ba’zilar yuzlarini pudra yordamida oqartirsa, Lindsi Lohan esa aksincha, yuziga haddan tashqari to‘q rang ishlatgan. Aktrisaning lablari esa shunchaki “san’at asari”!

Mayli Sayrus

Ko‘rinishidan vizajist Maylining iyagini pudra bilan yopishga astoydil uringan, shekilli. Shunisi aniqki, marosimda hamma aktrisaning iyagiga qaragan, chunki u haqiqatan ham “porlab” turgan.

Jennifer Gudvin

Gudvinning ushbu pardozi kreativlik makiyajda har doim ham yaxshi natija bermasligiga yorqin misol bo‘la oladi. Qovoqlarining qoshlargacha qora qalam bilan tutashtirilgani panda ko‘zlarini yodga soladi.

Sienna Miller

Sienna Millerning yonoqlari qizarib pishgan olmaga o‘xshab qolgan. Shu sababli bu rangdagi rumyana aktrisaning yoshini katta ko‘rsatgan.

Sheron Stoun

Ba’zi moda brendlari tillarang lab bo‘yog‘ini ishlab chiqaradi. Fotosuratlardagi modellarda bu rang ajoyib ko‘rinishi mumkin. Aftidan, Sheron Stoun ham ularga taqlid qilmoqchi bo‘lgan

Kelly Osborn

Hozirda Kelli Osborn ajoyib ko‘rinishga ega va o‘ziga yarashgan obrazni topa olgan. Ammo avvallari aktrisa yuqoridagi makiyajda ham namoyon bo‘lgan.