Қашқадарё вилояти ҳокими Зоир Мирзаев 15 март, душанба куни ОАВ вакилларига берган интервьюсида 2020 йили Яккабоғ туманида янги кўмир кони топилганини таъкидлади, дея хабар бермоқда «Дарё» мухбири.
«Ўтган йили вилоятнинг Яккабоғ туманидаги иккита ҳудудда 5,4 миллион тонналик кўмир захираси топилди. Бу биз учун ҳам янгилик бўлди. Кўмир захирасини биринчи марта аукционга қўйдик. Уни иккита тадбиркор — бири 4 миллиард сўмга, иккинчиси эса 2,9 миллиард сўмга сотиб олди. Бу ишбилармонлар энди инвестиция киритади. Илгари бу каби конлар тўғридан-тўғри бериб юбориларди, аукцион ўтказилмасди», — деди Мирзаев.
Аввалроқ Президент Шавкат Мирзиёев Қашқадарё вилоятида амалга ошириладиган инвестиция лойиҳалари тақдимоти билан танишгани ҳақида хабар берилган эди.
Мавзуга доир:
Изоҳ (0)