Мутахассис Ўзбекистондаги суғурта бизнесининг ривожини қандай кўраётгани ва Alfa Invest билан биргаликда амалга ошириладиган режалар ҳақида сўзлаб берди.
Ўзбекистонда суғурта соҳаси жадал суръатлар билан ривожланмоқда ва одамлар орасида суғурта институтига бўлган ишонч сезиларли даражада ошмоқда. Суғурта компаниялари бошқа мамлакатларнинг ижобий тажрибасини ўзлаштирган ҳолда ўз маҳсулот ва хизматларини янада яхшилашга интилмоқда.
Мамлакат раҳбарияти суғурта бозорини ислоҳ қилиш ва жадал ривожлантириш зарурлигини алоҳида қайд этади. Президент қарори доирасида суғурта бозорида мутахассисларнинг малакасини оширишга, шу жумладан, чет элдан халқаро маслаҳатчиларни жалб қилишга алоҳида эътибор қаратилди.
Alfa Invest суғурта компанияси Қозоғистоннинг энг йирик суғурта компаниясида юқори лавозимларда ишлаган, тажрибали мутахассис Ролан Сакеновни халқаро маслаҳатчи лавозимига таклиф қилди. У Alfa Invest ўзининг олдига қандай вазифаларни қўйгани ва эртанги кунда Ўзбекистондаги суғурта бизнесидан нималарни кутиш мумкин эканлиги ҳақида сўзлади.
Ўзбекистондаги суғурта соҳасига қандай кириб келдингиз?
Мен Alfa Invest компанияси билан узоқ вақтдан бери танишман, биз халқаро конференцияларда учрашганмиз ва кўплаб суғурта лойиҳаларида йўлларимиз ўзаро туташ келган. Суғурта соҳасидаги тажрибамни инобатга олиб, менга Alfa Invest компаниясида, халқаро маслаҳатчи сифатида Ўзбекистондаги суғурта соҳасини ривожлантиришда иштирок этишни таклиф қилишди. Мамлакат раҳбарияти иқтисодий ислоҳотлар ва молия соҳасини ривожлантириш доирасида маҳаллий компанияларга бой тажрибага эга, хорижий маслаҳатчиларни жалб қилиш имкониятини тақдим этди. Мен Ўзбекистонга бир йил олдин ташриф буюрган эдим ва биз Alfa Invest’да бир қатор ўзгаришларни амалга оширишга, шу жумладан, компанияни реинжинирингини амалга оширишга муваффақ бўлдик.
Alfa Invest ишига қандай ўзгартиришларни татбиқ этиш мумкин? Бир қарашда суғурта компанияси узоқ вақт мобайнида ва жуда муваффақиятли тарзда фаолият юритиб келмоқда.
Суғурта бизнеси, авваламбор, суғурта полиси ва суғурта қопламасини сотиш билан боғлиқ бўлган хизмат кўрсатиш соҳасидир. 2020 йил бошидан буён Alfa Invest мавжуд ва янги мижозларга хизмат кўрсатиш даражасини яхшилаш устида иш олиб бормоқда. Ички бизнес жараёнларда туб ўзгариш юз бермоқда — харидорларнинг максимал қулайлигини таъминлаш мақсадида сотишдан тортиб то даъволарни ҳал қилишгача бўлган барча ҳаракатларни тўлиқ автоматлаштириш амалга оширилмоқда.
Мен Қозоғистондаги энг йирик суғурта компаниясида агентдан топ-менежер лавозимигача, 15 йилга яқин ишладим. Шунга кўра, энди биз Қозоғистоннинг онлайн суғуртасини (E-polis) амалга ошириш, халқаро рейтингни олиш, бизнес жараёнларни автоматлаштириш, MSFOни жорий қилиш, шунингдек, компания ходимлари ўз устида янада яхши ишлаши учун қулай шарт-шароитларни яратиш бўйича кўп йиллик тажрибасига таянишимиз мумкин.
Alfa Invest компаниясининг бундай туб ўзгаришларга қарор қилгани суғурта соҳасида фаол ривожланишни давом эттириш, мижозларга хизмат кўрсатиш даражасини ошириш ва компания топ-менежментининг ваколатларини оширишга бўлган жиддий ниятидан далолат беради.
Ўзбекистонда E-polis сиёсатининг жорий қилиниши тўғрисидаги фикрингиз қандай?
Халқаро тажрибани ҳисобга олган ҳолда ишонч билан айтишимиз мумкинки, Ўзбекистон Вазирлар Маҳкамасининг E-polis сиёсатини жорий этиш тўғрисидаги (Электрон суғурта хизматларини кўрсатиш тартибини такомиллаштириш бўйича қўшимча чора-тадбирлар тўғрисида) қарори ажойиб ташаббус ва ижтимоий масалаларни ҳал қилиш ҳамда Ўзбекистон иқтисодиётини рақамлаштиришга замонавий ёндашув бўлди.
E-polis сиёсатнинг қулайлиги шундаки, уни том маънода 5 дақиқада уйдан чиқмасдан, тўғридан-тўғри суғурта компаниясидан ва воситачиларсиз расмийлаштириш мумкин. Ҳар бир мижоз кеча-ю кундуз алоқа марказининг кўп каналли рақамлари ёки Telegram операторлари билан онлайн чат функциясидан фойдаланган ҳолда, малакали маслаҳат олиши мумкин. Alfa Invest ҳужжатларни тезкор кўриб чиқиш ва мижозлар ҳамда йўл-транспорт ҳодисалари қурбонларининг суғурта даъволарини ҳал қилиш учун Telegram’да қулай чат-ботини яратди.
Ҳозирда Alfa Invest мижозга суғурта ҳодисасини олдиндан кўриб чиқиш учун ҳужжатлар топширилишини осонлаштириш йўлида барча ишларни амалга оширмоқда.
Компанияда қандай бизнес жараёнлари содир бўлаётганлиги ҳақида айтиб беринг
Ҳозирда биз компанияни мижозларга ва шерикларга хизмат кўрсатишнинг барча босқичларида ва барча V2S, V2V ва V2G сегментларида қулай бўлишига бутун диққатимизни жамлаганмиз.
Alfa Invest нафақат ички жараёнларни, балки ташқи ўзгаришларни ҳам янгилайдиган замонавий, технологик жиҳатдан ривожланган ва жуда қулай компанияга айланмоқда. Ҳозирги кунда биз, ребрендинг концепциясини тасдиқладик. Биз 18 йиллик фаолият давомида таниш бўлиб қолган, уни янада замонавийроқ ва жозибали қилиб, ўз мижозларига яқинроқ, қулайроқ бўлиш истагини акс эттирувчи компаниянинг таниш услубини сақлаб қолишга ҳаракат қиламиз.
Ўз навбатида биз мижозлар ва шерикларимизга ўзининг хатарларини Alfa Invest’га ишониб топширгани учун миннатдорчилик билдирамиз. Ўз мулкингиз, саломатлигингиз ва молиявий оқибатларингиз ҳақида ғамхўрлик қилишни бизга ишониб топширишингиз учун тобора ривожланиб, яхшиланишга интиламиз.
Telegram: t.me/AlfaInvestuz
Instagram: alfainvest.uz
Facebook: fb.com/alfainvestuzbekistan
Реклама ҳуқуқи асосида.
Изоҳ (0)