ПСЖ ярим ҳимоячиси Анхель ди Мариянинг уйида Франция чемпионати доирасида «Нант»га қарши 14 март кунги ўйин (1:2) вақтида ўғрилик содир этилди, дея хабар қилмоқда ESPN.
Парижликлар спорт директори Леонардо воқеа ҳақида Маурисио Почеттинони огоҳлантиргач, мутахассис Анхелни 62-дақиқада захирага олди. Ди Мария дарҳол стадионни тарк этди ва уйига равона бўлди.
Манбага кўра, ПСЖ ҳимоячиси Маркиньоснинг ота-онаси истиқомат қиладиган уйда ҳам талончилик содир бўлган. Ҳатто ўғрилар футболчининг оила аъзоларини гаровга олгани ҳақида маълумотлар бор. Бразилиялик футболчи учрашувда тўлиқ ҳаракат қилганди.
Полиция мазкур воқеалар юзасидан тергов иши қўзғаган.
Эслатиб ўтамиз, Ди Мария 2015 йилда «Манчестер Юнайтед» сафида ҳаракат қилган вақтида ҳам ўғрилардан жабр кўрганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)