Футбол бўйича Англия Премьер Лигаси 28-тури доирасида «Манчестер Юнайтед» 14 март, якшанба куни ўз майдонида Лондоннинг «Вест Ҳэм»ини қабул қилди.
Ўйин тақдири 53-дақиқада киритилган гол билан ҳал бўлди. Бруну Фернандешнинг бурчакдан узатган тўпи меҳмонлар вакили Крейг Доусонга тегиб дарвозадан жой олди.
Натижада Оле Гуннар Сульшер шогирдлари автогол эвазига уч очкони қўлга киритди. Ушбу ғалабадан сўнг «Манчестер Юнайтед» очколари сонини 57 тага етказиб, мусобақа жадвалида яна 2-ўринга қайтди. 3-ўриндаги «Лестер» ҳисобида эса 56 очко мавжуд. «Вест Ҳэм» бўлса 48 очкоси билан 5-ўринда қолди. АПЛ мусобақа жадвалида 71 очкога эга «Манчестер Сити» яққол пешқадам бўлиб турибди.
«Манчестер Юнайтед»—«Вест Ҳэм» учрашуви видеошарҳини бу ерда томоша қилиш мумкин — видео.
«Манчестер Юнайтед»—«Вест Ҳэм»
Гол: 1:0 – 53, автогол Доусон.
«Манчестер Юнайтед» – Ҳендерсон, Линдельоф, Магуайр, Уан-Биссака, Шоу, Мактоминей, Бруну Фернандеш, Жеймс, Фред, Рэшфорд, Гринвуд.
«Вест Ҳэм» – Фабианьски, Крессуэлл, Доусон, Соуфал, Жонсон (Бенраҳма, 62), Райс, Нобл (Лансини, 62), Боуэн, Соучек, Диоп, Антонио.
Огоҳлантиришлар: Уан-Биссака (35), Мактоминей (49), Рэшфорд (76), Жеймс (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)