«Жиноятчиликка қарши курашиш зарбдор ойлиги» доирасида ҳуқуқни муҳофаза қилувчи идоралар ҳамкорлигида ўтказилган тезкор тадбирда Бухоро тумани ҳокимлиги захирасида бўлган ер майдонини сотмоқчи бўлган шахс қўлга олинди, деб хабар бермоқда «Халқ сўзи online».
Бухоро вилояти ИИБ, прокуратура ҳузуридаги департамент ҳамда ДХХ Бухоро вилоят бошқармаси ходимларининг ҳамкорликдаги тезкор тадбирида С.Х. ноқонуний даромад орттириш мақсадида фуқаро Ф.нинг ишончига кириб, унга Бухоро туман ҳокимиятининг тасарруфида бўлган 10,8 сотих захира ер майдонини сотишни режалаштириб, олдиндан келишилган 23 500 долларни фирибгарлик йўли билан олган вақтида ашёвий далиллар билан қўлга олинган.
Ҳолат юзасидан С.Х.га нисбатан Жиноят кодексининг 25, 168-моддаси (фирибгарлик) билан жиноят иши қўзғатилиб, дастлабки тергов ҳаракатлари олиб борилмоқда.
Аввалроқ Бухорода 23 сотих ерни расмийлаштиришда ёрдам бериш эвазига олдиндан 100 доллар ва 2 млн сўм олган кадастр ходимига жиноят иши қўзғатилгани ҳақида хабар берилган эди,
Шунингдек, Фарғонада 8 гектар ер олишда ёрдам бериш эвазига 8 минг доллар олган собиқ кадастр ходими, Хоразмда 5 минг доллар эвазига ер олиб беришни ваъда қилган шахслар ушлангани, Андижон вилояти Булоқбоши тумани қурилиш бўлими мутахассиси 6 сотих ерни турар жой тоифасига ўзгартириб бериш эвазига 500 доллар миқдорида пора олаётганида ушлангани, ер олиб беришни ваъда қилиб, пора билан қўлга тушган Марҳамат тумани ҳокимининг собиқ ёрдамчиси 7 йилга озодликдан маҳрум қилингани ҳақида хабар берилганди.
Изоҳ (0)