Annals of Internal Medicine нашрида эълон қилинган маълумотларга қараганда, таркибида омега-3 ёғ кислотаси бисёр бўлган маҳсулотларни истеъмол қилиш юрак-қон томир касалликларининг ривожланиш хавфини камайтиради. Мақола муаллифлари 16 йил давомида деярли 3 мингга яқин кўнгилли иштирокчини кузатган ва омега-3 га бой бўлган маҳсулотларни мунтазам равишда истеъмол қилган кишиларда юрак касалликлари сабаб келиб чиқиши мумкин бўлган ўлим хавфи 35 фоизга камайганини аниқлаган.
Зиғир ёғ ва дони
Пишириқлар ва йогуртга қўшиш мумкин бўлган зиғир донининг бир қошиғида 2300 мг омега-3 ёғ кислотаси мужассам бўлади. Ёғи эса салат учун айни муддао ҳисобланади. Унинг бир қошиғида деярли 5 кунлик меъёр мужассам. Аммо зиғир ёғини қовуриш эмас совуқ таомлар учун ишлатиш керак.
Ёввойи гуруч
Шимолий Америкада ўсадиган ёввойи ўсимлик дони омега-3 ёғ кислотасидан ташқари клетчатка ва B гуруҳи витаминлари, марганец, калий, фосфор, шунингдек, магнийнинг кони саналади. Ушбу гуручнинг 100 граммида атиги 100 калория бўлади.
Тухум
Парҳезшунослар юрак-қон томир касаллигидан азият чекадиган инсонлар ратционидан тухум ўрин олиши кераклигини таъкидлайди. Таркибида оқсил кўп бўлгани сабаб ҳам ушбу маҳсулот қоринни тўқ тутади ва бунинг ҳисобига вазн тез тўпланмайди. Д витамини ва омега-3 бисёр бўлган тухум билан тонгни қарши олиш тавсия қилинади.
Соя дуккаклари
Вегетариан парҳезига амал қилаётганлар учун айни муддао бўлган ушбу маҳсулотнинг 1 порциясида 280 мг омега-3 ёғ кислотаси, шунингдек, оқсил ва клетчатка мужассам бўлади.
Ёнғоқ
Бир ҳовуч ёнғоқ омега-3 ёғ кислотасининг икки кунлик меъёри саналади. Уни салатлар, пишириқларга қўшиш ёки шунчаки ўзини ейиш керак.
Сут маҳсулотлари
Кальций, D витамин, қолаверса, омега-3 ёғ кислоталарига бой бўлгани сабаб ҳам ёғли сут маҳсулотларини истеъмолини канда қилмаслик керак. Балиқ ёки денгиз маҳсулотларини ея олмайдиганларга шунчаки бир стакан витаминларнинг кони бўлган сут ичиш тавсия қилинади.
Изоҳ (0)