Одатда ҳафта боши кўп ишларни бошлаш учун энг муносиб вақт ҳисобланади. Ҳар қандай иш, масалан, оддийгина вазн ташлашни ҳам ортга сурмаслик учун ҳафта давомида муҳим 6 қоидага риоя қилиш мумкин. Натижа, албатта, қониқтиради.
Ҳар доим оқсил истеъмол қилинг
Доимо оқсилга бой таом ёки егулик истеъмол қилиш тавсия этилади. Бу кучли бўлишга ҳамда тўлақонли фаол ҳаёт тарзини олиб бориш учун муҳим. Шунингдек, оқсиллар танага узоқ вақт давомида тўйинганлик ҳиссини беради.
Ҳар 3-5 соатда овқатланинг
Бу овқатланиш оралиғидаги мақбул танаффус ҳисобланади. Меъёрдан ортиқ ёки тез-тез овқатланиш танада ҳосил бўлган калорияни сарфлашга улгурмайди. Аксинча, жуда узоқ вақтда овқатланиш тананинг кучсизланишига олиб келади. Шунингдек, оч қолган организм одатдагидан кўпроқ овқат қабул қилиб юборади.
Кўпроқ сабзавот тановул қилинг
Сабзавотлар истеъмол қилинадиган овқатнинг камида ярмига тенг бўлиши керак. Айнан мева ва сабзавотлар клетчатка, витамин ва минералларнинг манбайи ҳисобланади. Бундан ташқари, улар жуда мазали ҳамдир.
Идишда овқатнинг бир қисмини қолдиринг
Уйдан ташқарида тушлик ёки кечки овқатни истеъмол қилишга одатланганлар егуликнинг тўртдан бир қисмини идишда қолдириши керак. Сабаби ресторан ва ошхоналарда тайёрланадиган овқатларга уйдагига нисбатан кўп ёғ солинади. Шунинг учун овқатнинг тўртдан бир қисми қолдирилса, организм ҳам қийналмайди.
Таъм берилган маҳсулотлардан чекланинг
Шакар қўшилмаган маҳсулотларни топиш қийин. Аммо соғлиғига ва вазн ташлашга жиддий эътибор қаратадиганлар буни назорат қила олади. Шунчаки, таркибида ширин таъм берувчи моддалар қўшилган таомлардан сақланиш керак.
Кечки овқатдан сўнг ошхонага кирманг
Кечки ва тунги овқатланиш вазн ортишининг энг кенг тарқалган сабабларидан биридир. Ухлашга ётишдан 2-3 соат аввал кечки овқатни истеъмол қилиш ва нонуштага қадар ҳеч нарса емасликка ҳаракат қилиш зарур. Натижа бир неча кунда сезилади.
Изоҳ (0)