Президент Шавкат Мирзиёевнинг таклифига биноан Қирғизистон президенти Садир Жапаров 11 март куни давлат ташрифи билан Ўзбекистонга келганди. ЎзАнинг хабар беришича, Жапаров бош вазир Абдулла Арипов ҳамроҳлигида Тошкентдаги Мустақиллик майдонига ташриф буюрди.
Қирғизистон президенти Мустақиллик ва эзгулик монументи пойига гул қўйди.
Шундан сўнг Кўксарой қароргоҳига йўл олди.
Кўксарой қароргоҳида икки мамлакат етакчилари Ўзбекистон–Қирғизистон дўстлик, яхши қўшничилик ва стратегик шериклик муносабатларини янада ривожлантириш ва мустаҳкамлаш масалаларининг барча йўналишларини кўриб чиқиши кутилмоқда.
Давлат раҳбарлари учрашуви кун тартибидан конструктив сиёсий мулоқотни давом эттириш, савдо, саноат, транспорт, энергетика, қишлоқ ва сув хўжалиги соҳаларида кўп қиррали ҳамкорликни кенгайтириш, парламентлараро ва ҳудудлараро алоқаларни фаоллаштириш ўрин олган.
Изоҳ (0)