Ҳинд киносаноати вакиллари томонидан суратга олинган фильмлар ранг-баранг рақслар ва мусиқий чиқишларга бой экани билан бошқалардан ажралиб туради. Банд турмуш тарзидан чарчаган ва бироз чалғишни истаганлар учун Болливуд фильмларидаги клиплар айни муддао.
«Пакана ошиқ» фильмидан
Шоҳрух Хоннинг фильмографиясидаги энг муваффақиятсиз, Болливуднинг энг ёмон фильмларидан бири эканига қарамай, картинадаги мусиқа ва қўшиқлар кишининг кайфияти кўтарилишига ҳисса қўшади.
«Ҳиқичоқ» фильмидан
Сюжетга кўра Туреттa синдромидан азият чекадиган Найна Матур исмли қиз муаллим бўлишни истайди.
Муваффақиятга эришишига ҳеч ким ишонмаган бир вақтда қизга Авлиё Ноткер мактабидан иш таклиф қилинади.
Яқинлари, мактаб раҳбари ва ўқувчиларнинг масхара ҳамда пичингларига қарамай Нейра юклатилган вазифанинг уддасидан чиқади.
«Нуқсон» фильмидан
2019 йилда суратга олинган мазкур фильмда Алия Бҳатт ва Варун Дҳаван суратга тушган.
Мусиқалар Притам Чакраборти ва Анкит Баҳлара томонидан ёзилган.
«Яширин юлдуз»
Отаси қаттиққўл бўлган Инсу исмли қиз машҳур хонанда бўлишни истайди. Унинг истеъдодидан фақат бувиси, онаси ва укасининг хабари бўлади.
Яқинларининг кўмаги билан қиз қўшиқ куйлаб YouTube’га қўяди. Минглаб мухлислар юзини яшириб қўшиқ куйлаган, истеъдодли қизнинг ким эканлигини билишни ва уни саҳнада кўришни истайди.
«Пикей» фильмидан
Амир Хон мазкур фильмда Ерда қурилмасини йўқотиб қўйган ва уйга қайтишни истайдиган ўзга сайёралик (бош қаҳрамон) ролини ижро қилган.
Унга бу борада журналист қиз ёрдам беради. Пикей эса ўз навбатида қизга ёқтирган йигитини қайтаришга кўмаклашади.
Қурилмасини топмагунича одамлар орасида қолишга мажбур бўлган қаҳрамоннинг берадиган саволлари ҳаётга бошқача назар билан қарашга ундайди.
Изоҳ (0)