Россиялик спортчи Пётр Ян (15-2) UFC промоушенидаги навбатдаги жангини 7 март, якшанба куни америкалик Алжемейн Стерлингга (20-3) қарши ўтказди.
Ян Стерлингга қарши жанг орқали ўзининг UFC’нинг енгил вазндаги (57—61 кг) чемпионлик камарини ҳимоя қилиши кутилганди. Беш раундга мўлжалланган жанг кутилмаган натижа билан якунланди. 4-раундда Ян ўтирган ҳолатдаги Стерлингга тизза билан тақиқланган зарба бериб юборди. Ушбу зарбадан сўнг ҳакам жангни тўхтатди. Алжемейн жангни давом эттира олмаслиги маълум бўлгач, ҳакамлар тақиқланган зарба сабаб Пётрни дисквалификация қилди. Шунингдек, ушбу вазндаги чемпионлик камари Стерлингга берилди.
Эслатиб ўтамиз, аввалроқ Ислом Махачевнинг UFC 259 мусобақасида муддатидан аввал ғалаба қозонгани ҳақида хабар берилганди.
Ян—Стерлинг жангини бу ерда томоша қилиш мумкин — видео.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)