Ҳечдан кўра кеч: 40 ёшдан кейин она бўлган Голливуд юлдузлари

Аксарият юлдузлар карьерага ўзини бағишлаб, эрта она бўлмасликни афзал билади. Аммо бу уларнинг фарзанд кўришни истамаслигини билдирмайди.

Ева Мендес

Аввалроқ фарзандли бўлиш режалари орасида йўқлигини таъкидлаган актрисанинг фикри Райан Гослингни учратганидан кейин ўзгарган. Суратга олиш майдончасида бир-бирини ёқтириб қолган жуфтлик орадан кўп ўтмай фарзандли бўлган. Қизи Эсмералдани дунёга келтирганида актриса 40, иккинчи қизи Аманда туғилганида эса 42 ёшда бўлган.

Салма Хаек

Мексикалик актриса Голливудда ўз ўрнини топиш учун анча тер тўкиб ишлашига тўғри келган. Бир-бирига уланган лойиҳалар ва тадбирлар сабаб Салманинг шахсий ҳаётга вақти бўлмаган. 40 ёшида актриса, ва ниҳоят, фарзандли бўлишга қарор қилган. Миллиардер Француа-Анри Пино билан турмуш қурган Салма 41 ёшида илк марта она бўлган.

Моника Белуччи

Моника биринчи фарзандини 39 ёшида дунёга келтирган. Бунга қадар актрисанинг Венсан Кассел билан бормаган шифокори, ўтмаган текшируви қолмаган. Мутахассислар унда ҳомиладор бўлиш эҳтимоли жуда ҳам кам эканлигини маълум қилган. Актриса 45 ёшида иккинчи марта она бўлган. Орадан уч йил ўтиб эса Вансел билан ажрашгани ҳақида маълум қилган.

Холли Берри

Актриса кеч она бўлгани, 20-21 ёшида фарзанд дунёга келтирганидан афзалроқ эканини таъкидлаган. Холли Габриэль Обри билан муносабатларидан кейин 41 ёшида қизи Нилани дунёга келтирган. Орадан 6 йил ўтиб, актёр Оливье Мартинес билан турмуш қурганидан кейин эса иккинчи ўғли туғилган.

Ева Лонгория

2017 йилда Ева ва Хосе Антонионинг фарзанд кутаётгани ҳақидаги хабар кутилмаган янгилик бўлган. 42 ёшида ҳомиладор бўлган актриса ўғил фарзандни дунёга келтирган.